އަތޮޅުތަކުން ޕޮޒިޓިވްވި 153 މީހުންނާއެކު ފާއިތުވި 24 ގަޑިއިރު ކޮވިޑަށް ޕޮޒިޓިވްވި މީހުންގެ އަދަދު 225ށް
23 އޮކްޓޯބަރު 2021 | ހޮނިހިރު 17:23އެކްޓިވް ކޭހުގެ ގޮތުގައި ގުނަމުން އަންނަނީ 1520 ކޭހެއް
ކޮވިޑަށް ޓެސްޓު ކުރުމަށް ސާމްޕަލް ނެގުން
ފާއިތުވި 24 ގަޑިއިރު ރާއްޖެއިން ކޮވިޑް-19ށް 225 މީހުން ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން އާންމުކޮށްފައިވާ ތަފާސްހިސާބުތަކުން ދައްކާގޮތުގައި ފާއިތުވި 24 ގަޑިއިރު ކޮވިޑަށް 4527 މީހުން ވަނީ ޓެސްޓްކޮށްފައެވެ. އޭގެތެރެއިން 225 މީހުން ޕޮޒިޓިވްވެފައިވާއިރު މީގެތެރެއިން އަތޮޅުތަކުން 153 މީހުން ވަނީ ޕޮޒިޓިވްވެފައެވެ. މާލެއިން ޕޮޒިޓިވްވެފައިވަނީ 39 މީހުންނެވެ. ހިނގަމުންދާ ރިސޯޓްތަކުން 33 މީހުން ވަނީ ކޮވިޑަށް ޕޮޒިޓިވްވެފައެވެ.
މިއާއެކު ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދުވަނީ 86،830ށް އަރާފައެވެ. މީގެތެރެއިން އެކްޓިވް ކޭހުގެ ގޮތުގައި ގުނަމުން އަންނަނީ 1520 ކޭހެކެވެ. 19 މީހަކަށް ހޮސްޕިޓަލްތަކުގައި އެޑްމިޓްކޮށްގެން އަންނަނީ ފަރުވާދެމުންނެވެ.
މިހާތަނަށް 85،057 މީހުން ބަލިން ފަސޭހަވެފައިވާއިރު 240 މީހަކު މިބަލީގައި ވަނީ ނިޔާވެފައެވެ.
ރާއްޖޭގައި ކޮވިޑްގެ ކޭސްތައް ވަކި މިންވަރެއްގައި ކޮންޓްރޯލުކުރެވިފައި ހުންނަތާ ދުވަސްތަކެއް ވުމަށްފަހު ކޭސްތަކުގެ އަދަދު މިވަނީ 200ން މައްޗަށް އަރާފައެވެ.
ކޮވިޑުން ރައްކާތެރިވުމަށް އަޅަންޖެހޭ ފިޔަވަޅުތަކަށް ސަމާލުކަން ދިނުމަށް ކަމާބެހޭ ފަރާތްތަކުން އަންނަނީ ތަކުރާރުކޮށް އިލްތިމާސްކުރަމުންނެވެ.
