އަންނަ ޑިސެމްބަރު މަހު ޔުނައިޓެޑް އަރަބި އެމިރޭޓްސް (ޔޫއޭއީ) ގެ ވެރިރަށް އަބޫ ދާބީގައި ބާއްވާ ދުނިޔޭގެ ފެތުމުގެ މުބާރާތް ކަމަށްވާ 15 ވަނަ ފީނާ ވޯލްޑް ސްވިމިން ޗެމްޕިއަންޝިޕުގައި ވާދަކުރުމަށް ރާއްޖޭގެ ފެތުންތެރިން ހޮވައިފިއެވެ.
ސްވިމިން އެސޯސިއޭޝަން އޮފް މޯލްޑިވްސްއިން ވަނީ ދުނިޔޭގެ ފެތުމުގެ މުބާރާތުގައި ވާދަކުރުމަށް ރާއްޖޭގެ ހަތަރު ފެތުންތެރިއަކު ހޮވާފައެވެ. އެ ފެތުންތެރިންނަކީ އަންހެން ދެ ފެތުންތެރިން ކަމަށްވާ އައިޝަތު ސައުސަން އާއި ހަމްނާ އަޙްމަދުގެ އިތުރުން ފިރިހެން ދެ ފެތުންތެރިން ކަމަށްވާ މުޙައްމަދު އާން ހުސައިން އަދި އިމްއާން އަލީއެވެ.
އަންނަ ޑިސެމްބަރު މަހުގެ 16 ވަނަ ދުހުން ފެށިގެން 21 ވަނަ ދުވަހުގެ ނިޔަލަށް މި މުބާރާތް އަބޫ ދާބީގައި ކުރިއަށްދާއިރު، މި މުބާރާތަށް ރާއްޖޭގެ ފެތުންތެރިން ހޮވާފައިވަނީ ވޯލްޑް ޗެމްޕިއަންޝިޕަށް ކުދިން ހޮވަން ބޭއްވި ޓްރަޔަލުތަކުގެ ނަތީޖާއަށް ބެލުމަށްފަހު ކަމަށް ސްވިމިން އެސޯސިއޭޝަނުން މައުލޫމާތުދެއެވެ.
މި ފަހަރުގެ ދުނިޔޭގެ ފެތުމުގެ މުބާރާތުގައި ރާއްޖޭގެ ހަތަރު ފެތުންތެރިއަކު ވާދަކުރާއިރު، މިދިޔަ އޮގަސްޓް މަހު ޖަޕާނުގެ ވެރިރަށް ޓޯކިޔޯގައި ބޭއްވި އޮލިމްޕިކް ގޭމްސްގައި ރާއްޖެ ތަމްސީލުކުރި ދެ ފެތުންތެރިންނެވެ. އެ ދެ ފެތުންތެރިންނަކީ އައިޝަތު ސާޖިނާ އާއި މުބާލް އައްޒާމް އިބްރާހީމެވެ.
