ފީވަކު ފަޅަށް ވަންނަން އުޅެނިކޮށް ދޯންޏެއް ބަންޑުން ޖަހާލައިފި
ދޯނި ބަންޑުން ޖަހާލިއިރު ދޯނީގައި 3 މީހުން ތިބި
ފީވަކު ބަނދަރަށް ވަނުމުގެ ތެރޭގައި ބަންޑުން ޖަހާލި ދޯނި
ފީވަކު ފަޅަށް ވަންނަ އުޅެނިކޮށް ދޯންޏެއް ބަންޑުން ޖަހާލައިފިއެވެ.
ރާއްޖެއެމްވީއަށް ލިބިފައިވާ ވީޑިއޯއިން ފެންނަ ގޮތުގައި ދޯނި ބަންޑުން ޖަހާލާފައިވަނީ ނެރުން ދޯނި ވަންނަން އުޅުމުގެ ތެރޭގައެވެ. އަދި ދޯނި ފަޅަށް ވަންނަން އުޅުނު އިރު ނެރު ކައިރިން ބޮޑެތި ރާޅުތައް ނަގައި ކަނޑުގަދަކަން ފާހަގަވިއެވެ.
މި ދޯންޏަކީ ހދ. ކުޅުދުއްފުށިން ފުރައިގެން އެރަށަށް އައި ދޯންޏެކެވެ. މި ހާދިސާގައި އެ ދޯނީގައި ތިބި އެއްވެސް މީހަކަށް އަނިޔާއެއް ނުވެއެވެ. އެމީހުން ފަޅުތެރޭގައި ތިބި މަންޒަރު ވީޑިއޯއިން ފެނެއެވެ.
މި ހާދިސާއާ ގުޅިގެން ފުލުހުން ބުނެފައިވަނީ ހދ. ކުޅުދުއްފުށިން ފުރައިގެން ށ. ފީވަކަށް 3 މީހުންނާއެކު ދަތުރުކުރި ކުޑަ ދޯންޏެއް ފީވަކު ބަނދަރަށް ވަންނަން އުޅުމުގެ ތެރޭގައި ބަންޑުން ޖަހާލާފައިވާކަމުގެ މައުލޫމާތު ހޯމަ ދުވަހުގެ ހަވީރު 4:30ހާއިރު ފުލުހުންނަށް ލިބިފައިވާ ކަމަށެވެ.
