އާދީއްތަ ދުވަހު ކޮވިޑަށް ޕޮޒިޓިވްވީ 77 މީހުން
18 އޮކްޓޯބަރު 2021 | ހޯމަ 02:37މާލެ ސަރަހައްދުން ޕޮޒިޓިވްވީ 25 މީހުން
ހަވީރުގެ ވަގުތު ރަސްފަންނު ސަރަހައްދު
ފާއިތުވެދިޔަ 24 ގަޑިއިރުގެ ތެރޭގައި ރާއްޖެއިން ކޮވިޑަށް ޕޮޒިޓިވްވެފައިވަނީ 77 މީހުން ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) ން ބުނެފިއެވެ.
އެޗްޕީއޭއިން އެންމެ ފަހުން އާންމުކުރި ތަފާސް ހިސާބުތައް ދައްކާ ގޮތުން ހޮނިހިރު ދުވަހުގެ ހަވީރު 06:00 ން ފެށިގެން އާދީއްތަ ދުވަހުގެ ހަވީރު 06:00 އާ ހަމައަށް ރާއްޖެއިން 3،210 މީހުން ކޮވިޑަށް ޓެސްޓުކޮށްފައިވެއެވެ. އަދި އޭގެ ތެރެއިން 77 މީހުން ޕޮޒިޓިވްވެފައިވާއިރު، އެއީ މާލެ ސަރަހައްދުން ޕޮޒިޓިވްވި 25 މީހުންނާއި އަތޮޅު ތެރެއިން ޕޮޒިޓިވްވި 37 މީހުންގެ އިތުރުން ރިސޯޓުތަކުން ޕޮޒިޓިވްވި 9 މީހުންނާއި ސަފާރީން ޕޮޒިޓިވްވި 6 މީހުންނެވެ.
އިތުރު 77 މީހުން ކޮވިޑަށް ޕޮޒިޓިވްވުމާއެކު ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދު ވަނީ 86،165 ށް އަރާފައެވެ. އަދި އެކްޓިވް ކޭސްތަކުގެ ގޮތުގައި 1،287 ކޭސް ރިޕޯޓް ކޮށްފައިވާއިރު، އޭގެ ތެރެއިން 12 މީހަކަށް ހޮސްޕިޓަލުގައި އެޑްމިޓްކޮށްގެން އަންނަނީ ފަރުވާ ދެމުންނެވެ. ރާއްޖެއިން މި ބަލީގައި 238 މީހުން ނިޔާވެފައިވާއިރު، 84،627 މީހުން ވަނީ ބަލިން ފަސޭހަވެފައެވެ.
ރާއްޖޭގައި މިހާރު ކޮވިޑް-19 ވަނީ ވަރަށް ބޮޑަށް ކޮންޓްރޯލްކުރެވިފައެވެ. އެއާއެކު ކޮވިޑް ފެތުރުން ކޮންޓްރޯލްކުރުމަށް އަޅާފައިވާ ފިޔަވަޅުތަކަށް ވެސް ވަނީ ލުއިތައް ދީފައެވެ. ނަމަވެސް އަދިވެސް ބަލި ފެތުރުން ކޮންޓްރޯލުކުރުމަށް އަޅަންޖެހޭ ފިޔަވަޅުތަކަށް ސަމާލުވުމަށް ކަމާބެހޭ ފަރާތްތަކުން އަންނަނީ އިލްތިމާސްކުރަމުންނެވެ. އަދި ކޮވިޑުން ދިފާއުވުމަށް ޖަހަންޖެހޭ ވެކްސިން ޖެހުމަށް އަންނަނީ އިލްތިމާސްކުރަމުންނެވެ.
