މާލޭގެ ބައެއް ސަރަޙައްދުތަކުން ކަރަންޓު ކެނޑިއްޖެ
ބައެއް ސަރަޙައްދުތަކަށް ކަރަންޓު އަނބުރާ ފޯރުކޮށްދެވިފައިވޭ
ސްޓޭޓް އިލެކްޓްރިކް ކޮމްޕެނީ (ސްޓެލްކޯ) މައި އިމާރަތް
މާލޭގެ ބައެއް ސަރަަޙައްދުތަކުން ކަރަންޓު ކެނޑިއްޖެއެވެ.
ސްޓެލްކޯއިން ބުނީ، ބައެއް ސަރަޙައްދުތަކުން ކަރަންޓު ކެނޑިފައިވާ ކަމުގެ ރިޕޯޓުތައް ލިބުމާއެކު، ސްޓެލްކޯއިން ޙަރަކާތްތެރިވަމުންދާ ކަމަށެވެ. އެގޮތުން މިހާރުވެސް ބައެއް ސަރަޙައްދުތަކަށް ކަރަންޓު އަނބުރާ ފޯރުކޮށްދެވިފައިވާ ކަމަށާއި، އިތުރު ސަރަޙައްދުތަކަށް ކަރަންޓު ފޯރުކޮށްދިނުމުގެ ކަންކަން ކުރަމުންދާކަމަށް ސްޓެލްކޯއިން މައުލޫމާތު ދެއެވެ.
ކަރަންޓު ކެނޑެން ދިމާވީ ޓެކްނިކަލް މައްސަލައަކާ ގުޅިގެންކަން ފާހަގަކޮށް ސްޓެލްކޯއިން ވަނީ ދިމާވާނެ ދަތިތަކަށް ކަސްޓަމަރުންގެ ކިބައިން މާފަށް އެދިފައެވެ.
ކަރަންޓު ކެނޑުމުގެ ސަބަބުން މާލޭގެ 4 އިމާރާތެއްގައި ލިފްޓު ހުއްޓުމުގެ ސަބަބުން އެމްއެންޑީއެފުން ޙަރަކާތްތެރިވެފައިވެއެވެ. އޭގެ ތެރޭގައި ކުރީގެ އާލިއާ ސުކޫލާއި، ވެލާނާގެއާއި، މާލޭ ގްރޭންޑުގެ އިތުރުން، މާފަންނު މަދަރުސާ ކައިރީގައި ހުންނަ މޯލްޑިވިއަންގެ އިމާރާތް ހިމެނެއެވެ.
