އިސްލާމީ ސަގާފަތާއި އާދަކާދައިގެ މައްޗަށް ބިނާކޮށް ތައްޔާރުކުރެވޭ ވީޑިއޯ ކްލިޕް ހެދުމުގެ މުބާރާތުގައި ބައިވެރިވުމުގެ ފުރުސަތު!

އިސްލާމީ ސަގާފަތާއި އާދަކާދައިގެ މައްޗަށް ބިނާކޮށް ތައްޔާރުކުރެވޭ ވީޑިއޯ ކްލިޕް ހެދުމުގެ މުބާރާތުގައި ބައިވެރިވުމުގެ ފުރުސަތު ހުޅުވާލައިފިއެވެ.

އިސްލާމިކް މިނިސްޓްރީން ބުނީ މީސް މީޑިއާ މެދުވެރިކޮށް، އަވަސް، ފަސޭހަ އަދި ޝައުގުވެރި ވަސީލަތްތައް ބޭނުންކޮށްގެން، ވީހާވެސް ގިނަ އަދަދެއްގެ ރައްޔިތުންނަށް ދީނީ އަދި އިޖުތިމާއީ މެސެޖުތަކާއި ނަސޭހަތް ފޯރުކޮށް ދިނުމަށް ބޭނުންވާ ކަމަށެވެ.

ދިވެހި ރައްޔިތުންގެ މެދުގައި ދީނީ ހޭލުންތެރިކަން އިތުރުކުރުމުގެ މަޤްޞަދުގައި، އިސްލާމީ ސަގާފަތާއި އާދަކާދައިގެ މައްޗަށް ބިނާކޮށް ތައްޔާރުކުރެވޭ ވީޑިއޯ ކްލިޕް ހެދުމުގެ މުބާރާތުގައި ބައިވެރިވުމުގެ ފުރުސަތު ހުޅުވާލާފައިވާ ކަމަށް މިނިސްޓްރީން ބުނެއެވެ.

މި މުބާރާތުން ވަނަތައް ހޯދާ މީހުންނަށް އިނާމު ވެސް ހުށަހަޅާފައިވެއެވެ. އެއްވަނައަށް 5000 ރުފިޔާ، ދެވަނައަށް 4000 ރުފިޔާ، ތިންވަނައަށް 3000 ރުފިޔާ، ހަތަރުވަނައިން ފެށިގެން ހަތްވަނައަށް 2000 ރުފިޔާ އަދި ފަސްވަނައިން ފެށިގެން ދިހަވަނައަށް 1000 ރުފިޔާ ކަމަށް އިސްލާމިކް މިނިސްޓްރީން ބުނެއެވެ.

އިސްލާމިކް މިނިސްޓްރީން ބުނީ މި މުބާރާތުގައި ބައިވެރިވާން ބޭނުންވާ މީހުން ރަޖިސްޓްރޭޝަން ފުރިހަމަކުރުމަށް 14 އޮކްޓޯބަރ 2021 ވާ ބުރާސްފަތި ދުވަހުގެ 12:00 ގެ ކުރިން ފޯމު ފުރިހަމަ ކުރަންޖެހޭ ކަަމަށެވެ. އަދި 14 ނޮވެންބަރ 2021 ވާ އާދީއްތަ ދުވަހުގެ 12:00 ގެ ކުރިން މުބާރާތުގައި ބައިވެރިކުރާ ކްލިޕްގެ ސީޑީ އެ މިނިސްޓްރީއަށް ހުށަހެޅުމަށް އިލްތިމާސްކޮށްފައިވެއެވެ.

މުބާރާތުގެ އުސޫލާއި މުބާރާތުގައި ބައިވެރިވާން އެދޭ ފޯމު، މި މިނިސްޓްރީގެ ވެބްސައިޓް www.islamicaffairs.gov.mv އިން އަދި މި މިނިސްޓްރީގެ ކައުންޓަރުން ލިބެން ހުންނާނެއެވެ.