އދ. ގެ އާންމު މަޖިލީހުގެ ރައީސްގެ ހައިސިއްޔަތުން ޝާހިދު ރާއްޖެއަށް ކުރައްވާ ރަސްމީ ދަތުރުފުޅުގައި މިހަފްތާ ރާއްޖެވަޑައިގަންނަވަނީ
3 އޮކްޓޯބަރު 2021 | އާދީއްތަ 04:42ދުނިޔޭގެ ވެރިންނަށް ދަންނަވާފަދަ މަރުހަބާއެއް ރާއްޖެއިން ދަންނަވާނެ
އދ. ގެ އާންމު މަޖިލީހުގެ 76 ވަނަ ސެޝަންގެ ރިޔާސަތާއި ޝާހިދު ހަވާލުވެވަޑައިގަންނަވަނީ
އދ. ގެ 76 ވަނަ އާންމު މަޖިލީހުގެ ރައީސްގެ ހައިސިއްޔަތުން އަބުދުﷲ ޝާހިދު ރާއްޖެއަށް ކުރައްވާ ރަސްމީ ދަތުރުފުޅުގައި މިހަފްތާ ރާއްޖެވަޑައިގަންނަވަން ހަމަޖެހިފައިވާ ކަމަށް ރާއްޖެއެމްވީއަށް މައުލޫމާތު ލިބިއްޖެއެވެ. އދ. ގެ 76 ވަނަ އާންމު މަޖިލީހުގެ ރައީސްގެ އިތުރުން ޝާހިދަކީ ދިވެހިރާއްޖޭގެ ފޮރިންގ މިނިސްޓަރެވެ.
އދ. ގެ 76 ވަނަ އާންމު މަޖިލީހުގެ ރައީސްގެ ހައިސިއްޔަތުން ޝާހިދު ރާއްޖެވަޑައިގަތުމަށް ދައުވަތު ދެއްވީ އދ.ގެ އާންމު މަޖިލީހުގައި ތަޤްރީރު ކުރެއްވުމަށް އެމެރިކާއަށް ރައީސް އިބުރާހިމް މުހައްމަދު ޞާލިހު މިދިޔަ މަހު ކުރެއްވި ދަތުރުފުޅުގައި ޝާހިދާއެކު ބޭއްވި ބައްދަލުކުރެއްވުމުގައެވެ. އދ. ގެ 76 ވަނަ އާންމު މަޖިލީހުގެ ރައީސްގެ މަގާމަށް ޝާހިދު ހޮވިވަޑައިގަތީ މިއަހަރުގެ ޖޫން މަހުގައެވެ.
އދ.ގެ އާންމު މަޖިލީހުގެ ރައީސްގެ ހައިސިއްޔަތުން ޝާހިދު ރާއްޖެއަށް ކުރައްވާ ރަސްމީދަތުރުފުޅުގައި އެމަނިކުފާނަށް ރާއްޖެއިން ދުނިޔޭގެ ޤައުމުތަކުގެވެރިންނަށް ދަންނަވާފަދަ މަރުހަބާއެއް ދަންނަވާނެ ކަމަށް މައުލޫމާތުލިބިފައިވެއެވެ. ޝާހިދު މިވަގުތު ހުންނެވީ ދުބާއީގައެވެ.
