ސަރުކާރުގެ އިދާރާތަކަށް އޮންލައިން މެސެޖަކުން ކަންކަން ހުށަހެޅުމުގެ ފުރުސަތު ހުޅުވައިލައިފި
20 ސެޕްޓެމްބަރު 2021 | ހޯމަ 13:11މިގޮތަށް ހަމަޖެއްސީ ރައީސްގެ އިރުޝާދުގެ ދަށުން
ސަރުކާރުގެ އެންމެ ގިނަ އޮފީސްތައް ހިންގަމުންދާ ވޭލާނާގެ،
އާންމު ރައްޔިތުންނާއި ސަރުކާރާ ދެމެދު މިހާރަށްވުރެ ލުއިފަސޭހަ ގޮތެއްގައި މުއާސަލާތު ކުރެވޭނެ ގޮތެއް ހަމަޖެއްސުމަށް، ނޭޝަނަލް ސެންޓަރ ފޮރ އިންފޮމޭޝަން ޓެކްނޯލޮޖީން ގާއިމްކޮށްފައިވާ އޮންލައިން ޕްލެޓްފޯމް "GOV.MV" މެސެޖުގެ ޚިދުމަތް ބޭނުންކޮށްގެން ސަރުކާރުގެ އިދާރާތަކަށް ކަންކަން ހުށަހެޅުމުގެ ފުރުސަތު އާންމު ރައްޔިތުންނަށް ހުޅުވާލައިފިއެވެ.
ހޯމަ ދުވަހު ރައީސުލްޖުމްހޫރިއްޔާގެ އޮފީހުން ނެރެފައިވާދެންނެވުމުގައިރައީސުލްޖުމްހޫރިއްޔާ އިބްރާހީމް މުހައްމަދު ސާލިހުގެ އިރުޝާދުގެ ދަށުން މި ގޮތަށް ހަމަޖެއްސުމުން އަމިއްލަ މީހުން ސަރުކާރުގެ އިދާރާތަކަށް "GOV.MV" މެސެޖުގެ ޒަރީއާއިންނާއި، ސިޓީން ހުށަހަޅާ ކަންކަމަށް ޖަވާބު ދިނުމުގައި ސަރުކާރުގެ އިދާރާތަކުން އަމަލުކުރަންވާނެ ގޮތް ތަފްސީލު ކޮށްދީފައިވެއެވެ. އަދި މި ޚިދުމަތް ފެށުމާއެކު، މި ޚިދުމަތް ބޭނުންކޮށްގެން ސަރުކާރުގެ އިދާރާތަކަށް ކަންކަން ހުށަހެޅުމަށް އަމިއްލަ ފަރާތްތަކަށް ބާރުއަޅައި ދިނުމަށް ރައީސް އެދިވަޑައިގެންފައިވެއެވެ.
އާންމުކޮށް ހުޅުވައިލި "GOV.MV" ގެ ޚިދުމަތް ފެށުމާ ހަމައަށް ސަރުކާރުގެ އިދާރާތަކަށް އަމިއްލަ މީހުންގެ ފަރާތުން ލިބިފައިވާ ސިޓީތަކާއި އީ މެއިލްތަކާމެދުގައި އަމަލުކުރާނީ މިހާތަނަށް އަމަލުކުރަމުން ގެންދިޔަ ގޮތަށް ކަމަށް އެ ދެންނެވުމުގައިވެއެވެ.
