ނައިޖީރިއާގެ ކުރީގެ ފުޓުބޯޅަ ކުޅުންތެރިޔާ ޕެލޭ މަރުވެއްޖެ

ކުރީގެ މަޝްހޫރު ފުޓުބޯޅަ ކުޅުންތެރިޔެއް ކަމަށްވާ ޕެލޭ މަރުވެގެން އެކަމުގެ ހިތާމަ ނައިޖީރިއާގެ ފުޓުބޯޅަ އާއިލާއިން ފާޅުކޮށްފިއެވެ.

ޕެލޭ މަރުވެފައިވާކަން އޭނާގެ ކްލަބުން ކަށަވަރުކޮށްދީފައިވާއިރު، މީގެ ކުރިން މިދިޔަ ހަފުތާގައި ޕެލޭ ވަނީ ބިންގްހަމް ޓީޗިންގ ހޮސްޕިޓަލުގައި ފަރުވާ ހޯދާފައެވެ.

ނައިޖީރިއާގެ ޕްލެޓޫ ޔުނައިޓެޑް އެފްސީގެ ހެޑް ކޯޗުގެ މަގާމާއި ޕެލޭ ހަވާލުވީ 2014 ވަނަ އަހަރުގައެވެ. އެކަމަކު އެ ކްލަބާއިއެކު ކޯޗެއްގެ ގޮތުގައި ޕެލޭއަށް މާކައެދެވޭ ކާމިޔާބެއް ލިބިފައިނުވި ނަމަވެސް އޭނާ ވަނީ އެ ޓީމު 2016 ވަނަ އަހަރު ނައިޖީރިއާ ޕްރޮފެޝަނަލް ފުޓްބޯލް ލީގުން ޖާގަ ހޯދައިދީފައެވެ.

ކުޅުންތެރިއެއްގެ ގޮތުގައި ޕެލޭ ވަނީ ނައިޖީރިއާ ލީގު ތިންފަހަރު ކާމިޔާބު ކޮށްފައެވެ. އަދި އެގައުމުގެ އެންމެ މޮޅު ކުޅުންތެރިޔާގެ މަގާމު ދެ ފަހަރު ކާމިޔާބު ކޮށްފައިވެއެވެ.

ޕެލޭގެ ޖަނާޒާގެ ކަންކަމުގައި ބައިވެރިވާނީ އޭނާގެ އާއިލާއާ ރަހުމަތްތެރިންނާ ޕްލެޓޫ ޔުނައިޓެޑް އެފްސީގެ ކުޅުންތެރިންނާއި ކޯޗިންގ ސްޓާފުންނެވެ.

ޕެލޭ މަރުވިއިރު އޭނަގެ އަންބަކާއި ފަސް ދަރިން އެބަތިއްބެވެ.