"ޓްރެއިނިން އޮފް ޖުޑީޝިއަލް ޓްރެއިނިން" ޕްރޮގްރާމް ނިންމާލައިފި
ޕްރޮގްރާމް ހިންގީ ބްރިޓިޝް ހައި ކޮމިޝަނުގެ އެހީއާއެކު
"ޓްރެއިނިންގ އޮފް ޖުޑީޝިއަލް ޓްރެއިނިންގ" ޕްރޮގްރާމްގެ ބައިވެރިން
ކ. ތުލުސްދޫގައި ކުރިއަށްގެންދިޔަ "ޓްރެއިނިންގ އޮފް ޖުޑީޝިއަލް ޓްރެއިނިންގ" ޕްރޮގްރާމް ނިންމާލައިފިއެވެ.
މި ޕްރޮގްރާމަކީ ބްރިޓިޝް ހައި ކޮމިޝަނުގެ އެހީއާއެކު ޖުޑީޝަލް އެކެޑަމީއާއި، ޔޫއެންޑީޕީ ގުޅިގެން 16 ސެޕްޓެމްބަރު 2021ން ފެށިގެން 18 ސެޕްޓެމްބަރު 2021ށް ކުރިއަށް ގެންދިޔަ ޕްރޮގްރާމެކެވެ. ކ ތުލުސްދޫގައި ކުރިއަށް ގެންދިޔަ މި ޕްރޮގްރާމްގައި ދާއިރާއާ ގުޅޭ ފަންނީ ތަމްރީނު ބައިވެރިންނަށް ވަނީ ކިޔާދެއްވާފައެވެ.
މި ރަސްމިއްޔާތުގައި ވާހަކަ ދައްކަވަމުން ޗީފް ޖުޑީޝަލް އެޑްމިނިސްޓްރޭޓަރ އައިޝަތު ރިޒްނާ ވިދާޅުވީ، ކޮވިޑް-19 ގެ ބަލިމަޑުކަމުގެ ތެރޭގައިވެސް ހުއްޓުމެއްނެތި ތަފާތު އެކި ޓްރެއިނިންގ ޕްރޮގްރާމްތައް ހިންގިފައިވާ ކަމަށާއި، "ޓްރެއިނިންގ އޮފް ޖުޑީޝަލް ޓްރެއިނަރސް" އަކީ ބައިވެރިން އެއް ތަނަކަށް ހާޒިރުވެގެން މި ފަހުން ބޭއްވުނު ފުރަތަމަ ޓްރެއިނިން ކަމަށެވެ. ރިޒްނާ ވިދާޅުވީ މި ޕްރޮގްރާމްގެ ދަށުން 26 ފަނޑިޔާރުންނަށް ޓްރެއިނިން ދެވިފައިވާ ކަމަށެެވެ. އޭގެ ތެރޭގައި ސުޕްރީމް ކޯޓާއި މާލޭގެ ކޯޓުތައް ހިމެނޭ ގޮތަށް 9 ފަނޑިޔާރުންނާއި 16 މެޖިސްޓްރޭޓުން ހިމެނޭކަން ރިޒްނާ ފާހަގަ ކުރެއްވިއެވެ.
ރިޒްނާ އިތުރަށް ވިދާޅުވީ، މި ޕްރޮގްރާމްގެ މަގްސަދަކީ މުސްތަގުބަލުގައި ފަނޑިޔާރުންގެ ޓްރެއިނިންތައް އެކަށީގެންވާ ގޮތެއްގައި ކުރިއަށް ގެންދިއުން ކަމަށާއި، ފަނޑިޔާރު ކަމުގެ މަސްއޫލިއްޔަތު އަދާ ކުރުމަށް ބޭނުންވާ ފަންނީ ހުނަރުތައ ދަސްކޮށްދިނުން ކަމަށެވެ.
މި ޓްރެއިނިން ނިންމުމުގެ ރަސްމިއްޔާތުގައި ބައިވެރިންނަށް ސެޓްފިކެޓް ހަވާލުކޮށްދެއްވީ ބަންޑާރަނާއިބު އިބްރާހިމް ރިފްއަތެވެ. އެގޮތުން ޓްރެއިނިން ފުރިހަމަ ކުރި ފަނޑިޔާރުންނަށް ރިފްއަތު ވަނީ ސެޓްފިކެޓު ހަވާލު ކުރައްވާފައެވެ.
މި ރަސްމިއްޔާތުގައި ރިފްއަތުގެ އިތުރުން ޔޫއެންޑީޕީ މޯލްޑިވްސްގެ ރެޒިޑެންޓް ރެޕްރެޒެންޓޭޓިވް މިސް ވެރާ ހަކީމްގެ އިތުރުން، ޓްރެއިނިންގ ގެ ފެސިލިޓޭޓަރ ޖަޖް މެލްކޮމް ސިމަންސްވެސް ބައިވެރިވެވަޑައިގެންނެވިއެވެ.
