ދެ ދަރިވަރެއްގެ މެދުގައި ހިނގި މާރާމާރީއެއްގައި އެއް ކުއްޖަކު ވަރަށް ބޮޑަށް ޒަޚަމްކޮށްލައިފިއެވެ.
އެޑިޔުކޭޝަން މިނިސްޓްރީން ބުނީ އަންގާރަ ދުވަހުގެ މެންދުރު 2:30 އެހާކަންހާއިރު، ކަލާފާނު ސްކޫލުގެ ދެ ދަރިވަރުންގެ މެދުގައި ހިނގި މާރާމާރީއެއްގައި ދަރިވަރެއްގެ ބޮލަށް އަނިޔާވެފައިވާ ކަމަށެވެ. އިތުބާރުހުރި ފަރާތަކުން ރާއްޖެއެމްވީއަށް ބުނީ މިދެކުދިންގެ މެދުގައި ހިނގި މިމާރާމާރީގައި އެއްކުއްޖަކު ވަރަށް ބޮޑަށް ޒަޚަމްވެފައިވާ ކަމަށާއި، އެކުއްޖާގެ ބޮލަށާއި ކަރަށް ކަތުރުން ހަމަލާދީފައިވާ ކަމަށެވެ.
އެކުއްޖާއަށް އޭޑީކޭ ހޮސްޕިޓަލުގައި ފަރުވާ ދެމުންދާއިރު, މިމައްސަލަ ބަލަމުންދާ ކަމަށް އެޑިޔުކޭޝަނުން ބުނެއެވެ.
މިމާރާމާރީއާ ގުޅޭގޮތުން ފުލުހުން ބުނީ މާލޭގެ ސްކޫލެއްގައި ދެކުއްޖެއްގެ މެދުގައި މާރާމާރީއެއް ހިންގާފައިވާކަމަށް އަންގާރަ ދުވަހު ފުލުހުންނަށް ރިޕޯޓުކޮށްފައިވާ ކަމަށެވެ. އެމައްސަލަ އިތުރަށް ތަހުގީގު ކުރަމުންދާ ކަމަށް ފުލުހުން ބުނެއެވެ.
