ރާއްޖެ
ރިހިވެލި ރިސޯޓުގައި ހަމަނުޖެހުމެެއް ހިނގުން
ރިހިވެލި ރިސޯޓުގައި ހިނގި ހަމަނުޖެހުމަކާއި ގުޅިގެން ފުލުހުން ހަރަކާތްތެރިވަނީ
މި ހަމަނުޖެހުން ހިނގާފައިވަނީ ދެ ބައެއްގެ ދެމެދުގައި
ތޯހިރާ އަޒްހާރް, ރާއްޖެ އެމްވީ | 31 އޯގަސްޓު 2021 | އަންގާރަ 15:29
ރިހިވެލި ބީޗް ރިސޯޓް އެންޑް ސްޕާ
ރިހިވެލި ރިސޯޓަށް އަރައި ބަޔަކު ހަމަނުޖެހުން ހިންގަމުންދާކަމަށް ފުލުހުން ބުނެފިއެވެ.
ރާއްޖެއެމްވީއަށް މައުލޫމާތުދެމުން ފުލުހުން ބުނީ ރިހިވެލި ރިސޯޓަށް ބަޔަކު އަރައި ހަމަނުޖެހުން ހިންގަމުންދާކަމުގެ މައުލޫމާތު އަންގާރަ ދުވަހުގެ ހަވީރު 4:00 އެހާއިރު ފުލުހުންނަށް ލިބިފައިވާކަމަށެވެ.
މި ހަމަނުޖެހުން ހިނގާފައިވަނީ ކޯޓުން ނިންމާފައިވާ ނިންމުމަކާއިމެދު ރިސޯޓުގެ ކުރީގެ މެނޭޖްމެންޓާއި، މިހާރުގެ މެނޭޖްމެންޓާ ދެމެދު ޖެހިގެން އުޅޭ މައްސަލައަކާއި ގުޅިގެންނެވެ.
އިތުރު ހަމަނުޖެހުމެއް ހިނގިޔަ ނުދިނުމަށް ފުލުހުން އެ ރަށުގައި ހަރަކާތްތެރިވަމުންދާކަމަށާއި، ވާހަކަ ދައްކައިގެން މި މައްސަލަ ހައްލުކުރުމުގެ މަސައްކަތް ފުލުހުން ކުރަމުންދާކަމަށް ފުލުހުން ބުނެފައިވެއެވެ.
