ރިހިވެލި ރިސޯޓަށް އަރައި ބަޔަކު ހަމަނުޖެހުން ހިންގަމުންދާކަމަށް ފުލުހުން ބުނެފިއެވެ.
ރާއްޖެއެމްވީއަށް މައުލޫމާތުދެމުން ފުލުހުން ބުނީ ރިހިވެލި ރިސޯޓަށް ބަޔަކު އަރައި ހަމަނުޖެހުން ހިންގަމުންދާކަމުގެ މައުލޫމާތު އަންގާރަ ދުވަހުގެ ހަވީރު 4:00 އެހާއިރު ފުލުހުންނަށް ލިބިފައިވާކަމަށެވެ.
މި ހަމަނުޖެހުން ހިނގާފައިވަނީ ކޯޓުން ނިންމާފައިވާ ނިންމުމަކާއިމެދު ރިސޯޓުގެ ކުރީގެ މެނޭޖްމެންޓާއި، މިހާރުގެ މެނޭޖްމެންޓާ ދެމެދު ޖެހިގެން އުޅޭ މައްސަލައަކާއި ގުޅިގެންނެވެ.
އިތުރު ހަމަނުޖެހުމެއް ހިނގިޔަ ނުދިނުމަށް ފުލުހުން އެ ރަށުގައި ހަރަކާތްތެރިވަމުންދާކަމަށާއި، ވާހަކަ ދައްކައިގެން މި މައްސަލަ ހައްލުކުރުމުގެ މަސައްކަތް ފުލުހުން ކުރަމުންދާކަމަށް ފުލުހުން ބުނެފައިވެއެވެ.
