ކައުންސިލްތަކާއި، ޑަބްލިއުޑީސީއަށް ޚާއްސަ ތަމްރީން ޕްރޮގްރާމްގެ ދެ ވަނަ ސީރީޒް މިރޭ!
މި ސީރީސްގެ ފުރަތަމަ ބުރު ބާއްވާފައިވަނީ އޯގަސްޓް މަހުގެ 15ގައި
ކައުންސިލަރުން ހުވާކުރުމުގެ ތެރެއިން
ލޯކަލް ކައުންސިލަރުންނާއި، އަންހެނުންގެ ތަރައްޤީއަށް މަސައްކަތް ކުރާ ކޮމެޓީގެ މެންބަރުންނަށް އަމާޒުކޮށްގެން ހިންގާ ތަމްރީން ޕްރޮގްރާމްގެ ދެވަނަ ސީރީޒް މިރޭ ކުރިއަށް ގެންދަން ނިންމައިފިއެވެ.
އޮންލައިންކޮށް ކުރިއަށްގެންދާ މި ޓްރެއިނިންގ ސެމިނާރއަކީ، އީޕީއެސް ފައުންޑޭޝަނާއި، ޑައިރެކްޓް ޑިމޮކްރަސީ ގްލޯބަލް މޯލްޑިވްސް، ވިމެން އެންޑް ޑިމޮކްރަސީ, އަދި އެރީޓް އެކަޑެމީ ޖެނީވާ އާގުޅިގެން ކުރިއަށްގެންދާ ހަރަކާތެކެވެ. މި ސީރީޒްއަކީ ލޯކަލް ކައުންސިލަރުންނާއި، އަންހެނުންގެ ތަރައްޤީއަށް މަސައްކަތް ކުރާ ކޮމެޓީގެ މެންބަރުންގެ ޤާބިލުކަން އިތުރުކޮށް މަސައްކަތުގެ މާހައުލުގެ ކަންކަމަށް ހޭލުންތެރިކަން އިތުރު ކުރިއަށްގެންދާ ސީރީޒްއެކެވެ. މި ތަމްރީން ޕްރޮގްރާމްގެ ފުރަތަމަ ބުރު އޮގަސްޓް 15ވަނަ ދުވަހު ބޭއްވި އިރު މި ބުރުގައި ވަނީ ލީޑަރޝިޕް ނުވަތަ އިސްނެގުމުގެ މުހިންމުކަމާއި ގުޅޭގޮތުން މަޢުލޫމާތު ހިއްސާކޮށްފައެވެ. ފުރަތަމަ ޓްރެއިނިނގް ސެޝަންގައި ޖުމްލަ 70 މެންބަރުން ބައިވެރިވިކަމަށް އީޕީއެސް ފައުންޑޭޝަނުން މަޢުލޫމާތުދެއެވެ.
ރާއްޖެ އެމްވީއާ ވާހަކަދައްކަވަމުން އީޕީއެސް ފައުންޑޭޝަންގެ ނައިބު ރައީސް އަޙުމަދު އަމްޖަދް ވަނީ މި ސެމިނަރ ސީރީޒްގެ ދެވަނަ ބުރު 22 އޯގަސްޓްގައި ބާއްވަން ނިންމާފައިވާކަމަށް ވިދާޅުވެފައެވެ. މި ސެޝަން ކުރިއަށްދާނީ އޯގަސްޓް 22 ވަނަ ދުވަހުގެ ރޭ 8:30ން 10:39ށް ކަމަށް އަމްޖަދު ވިދާޅުވިއެވެ. މި ސެޝަންގެ މައުޟޫޢަކީ، ނެގޯސިއޭޝަން އެންޑް ކޮމިއުނިކޭޝަންކަމަށް އޭނާ ވިދާޅުވިއެވެ. އަދި މި ސީރީޒްގެ އިތުރު ބޮޅުތައް ކުރިއަށް އޮތްތަނުގައި ހުއްޓުމެއްނެތި ފެނިގެންދާނެކަމަށް އަމްޖަދު ވިދާޅުވިއެވެ. އެގޮތުން މީގެ 5 ބުރެއް ބާއްވަން ނިންމާފައިވާއިރު، މި ޕްރޮގްރާމްގެ ތަޖުރިބާއަށް ބަލައި އިތުރު ސީރީޒްތައް ކުރިއަށް ގެންދިއުމަށްވަނީ ހަމަޖެހިފައެވެ.
