ދިރާގު ޓީވީގެ ހިދުމަތުން ރާއްޖެ ޓީވީ ނެގުމަށް އެދެފި
18 މެއި 2017 | ބުރާސްފަތި 19:49މިމަހުގެ 21 ވަނަ ދުވަހުން ފެށިގެން ދިރާގު ޓީވީގައި، ރާއްޖެޓީވީ ހިމެނުން ނިމުމަލަށް އަންނާނެ
ރާއްޖެޓީވީ
ދިރާގު ޓީވީގައި ރާއްޖެޓީވީ ރައިޑްކުރުން ނިމުމަކަށް ގެނެސް، ޗެނަލްގެ އިސްތިހާރު ޕެކޭޖްތަކުން ވެސް ރާއްޖެޓީވީ ނެގުމަށް ހުށަހަޅައިފި އެވެ.
ރާއްޖެ ޓީވީން ދިރާގަށް ބުރާސްފަތި ދުވަހު ފޮނުވި ސިޓީއެއްގައި ބުނެފައި ވަނީ، މި މަހުގެ 21 ވަނަ ދުވަހުން ފެށިގެން ދިރާގު ޓީވީގައި، ރާއްޖެ ޓީވީ ހިމެނުން ނިމުމަކަށް ގެނައުމަށެވެ.
ރާއްޖޭގެ އެންމެ ބޮޑު ޓެލެކޮމިއުނިކޭޝަން ހިދުމަތް ދޭ ކުންފުނި ދިރާގުން އަލަށް ތައާރަފު ކުރި ކޭބަލް ޓީވީގެ ހިދުމަތުގައި ރާއްޖެ ޓީވީ މިހާރު ހިމަނާފައި ވިޔަސް، ވިޔަފާރީގެ އުސޫލުން ޗެނަލް ރައިޑްކުރަން އެއްބެސް ވުމެއް ނެތް ކަމަށް، ރާއްޖެ ޓީވީގެ މެނޭޖްމެންޓުން ބުންޏެވެ.
ރާއްޖެ ޓީވީއަކީ ރާއްޖޭގެ ފުރަތަމަ ނިއުސް އެންޑް ކަރަންޓް އެފެއާޒް ޗެނަލެވެ. އަދި އެންމެ ފުރަތަމަ 24 ގަޑިއިރަށް ހިދުމަތް ބަދަލުކުރި ނިއުސް އެންޑް ކަރަންޓް އެފެއާޒް ޗެނަލަކީ ވެސް ރާއްޖެ ޓީވީ އެވެ.
