އިހަވަންދޫއަށް އަރައި ފޭބުން މަނާކޮށްފި
ކުޑަހުވަދޫން އިހަވަންދޫއަށް ދަތުރުކުރި ހަތަރު މީހަކު ވަނީ ކޮވިޑަށް ޕޮޒިޓިވްވެފައި
ހއ.އިހަވަންދޫ - މޮނިޓަރިންއަށް ލާފައިވަނީ ހޯމަ ދުވަހު
ހއ.އިހަވަންދޫއަށް އަރައި ފޭބުން މަނާކޮށްފިއެވެ.
ކޮވިޑް-19 އަށް ބަޔަކު ޕޮޒިޓިވްވުމާ ގުޅިގެން ހއ.އިހަވަންދޫ މޮނިޓަރިންގެ ހާލަތަށް ގެނެސްފައިވަނީ ހޯމަ ދުވަހުއެވެ.
މިމަހުގެ 13 ވަނަ ދުވަހު ދ.އަތޮޅު ކުޑަހުވަދޫން އިހަވަންދޫއަށް ދަތުރުކުރި ހަތަރު މީހަކު ކޮވިޑަށް ޓެސްޓް ކުރިއިރު ވަނީ ބައްޔަށް ޕޮޒިޓީވްވެފައެވެ. އަދި އެމީހުންނާ ކޮންޓެކްޓްވި 2 މީހަކު ވަނީ ހޯމަ ދުވަހު ޕޮޒިޓިވް ވެފައެވެ. އެއާއެކު ރަށް ވަނީ މޮނިޓަރިންއަށް ލާފައެވެ. އެއާއެކު އެރަށަށް އަރާ ފޭބުން ވަނީ މަނާކޮށްފައެވެ.
މިވަގުތު މޮނިޓަރިންގެ ހާލަތުގައި އޮތީ އެންމެފަހުން މޮނިޓަރިންއަށް ލީ އިހަވަންދޫ ހިމަނައިގެން ޖުމުލަ 13 ރަށެވެ. މިއީ މި އަހަރުގެ ތެރޭގައި އިހަވަންދޫ މޮނިޓަރިންގެ ހާލަތަށް ގެނައި ފުރަތަމަ ފަހަރެވެ.
މިވަގުތު މޮނިޓަރިންގެ ހާލަތުގައިވާ ރަށްރަށަކީ، ރ. ދުވާފަރު، ކ. ކާށިދޫ، މ. ކޮޅުފުށި، ށ. ފީވަށް، ހއ. ތަކަންދޫ، ދ. ކުޑަހުވަދޫ، އއ. ހިމަންދޫ، ތ. ހިރިލަންދޫ، ހދ. މަކުނުދޫ، ބ. އޭދަފުށި، ބ. ކަމަދޫ، އދ. ހައްޏާމީދޫ، އަދި ހއ. އިހަވަންދޫއެވެ.
