ހަށިވިއްކުމުގެ މައްސަލައެއްގައި ދާންދޫން 7 މީހަކު ހައްޔަރުކޮށްފި
މި މީހުންގެ ތެރޭގައި ދިވެހިންނާއި ބިދޭސީން ހިމެނޭ
ގއ. ދާންދޫ
ގއ. ދާންދޫގައި ހަށިވިއްކަމުންދާ ކަމުގެ މައްސަލައެއްގައި 7 މީހަކު ފުލުހުންގެ ބެލުމުގެ ދަށަށް ގެންގޮސްފިއެވެ.
ފުލުހުން ބުނީ ދާންދޫގައި ހަށި ވިއްކާކަމަށް ލިބުނު މައުލޫމާތަކާއި ގުޅިގެން ހޮނިހިރު ދުވަހުގެރޭ ހިންގި އޮޕަރޭޝަނެއްގައި ކޯޓު އަމުރެއްގެ ދަށުން އެ ގެ ބަލައި ފާސްކޮށް, 7 މީހަކު ފުލުހުންގެ ބެލުމުގެ ދަށަށް ގެންގޮސްފައިވާކަމަށް ފުލުހުން ވަނީ ބުނެފައެވެ.
ހައްޔަރުކުރި މީހުންގެ ތެރޭގައި ހިމެނެނީ 20 އަހަރުގެ ދިވެހި އަންހެނަކާއި، 24 އަހަރުގެ ދިވެހި އަންހެނަކާއި، 30 އަހަރުގެ ދިވެހި ފިރިހެނަކާއި، 39 އަހަރުގެ ދިވެހި ފިރިހެނެއްގެ އިތުރުން 25 އަހަރުގެ ބިދޭސީ ފިރިހެނަކާއި، 26 އަހަރުގެ ބިދޭސީ ފިރިހެނަކާއި، 27 އަހަރުގެ ބިދޭސީ ފިރިހެނެއް ކަމަށް ފުލުހުން ވަނީ ބުނެފައެވެ.
މި މައްސަލަ އިތުރަށް ތަހުގީގުކުރަމުންދާކަމަށް ފުލުހުން ވަނީ ބުނެފައެވެ.
