ފަޅު ރަށްރަށުން ކުރުނބަ އާއި ކާށި އަޅައިގެން، ރޯދަމަހު މާރުކޭޓްގައި ވިއްކުމުގެ ފުރުސަތު ހުޅުވާލައިފި
ކުރުނބަލާއި ކާށި އަޅާ ވިއްކުމުގެ ފުރުސަތު ހުޅުވާލާފައިވަނީ މިނިސްޓްރީގެ ބެލުމުގެ ދަށުގައިވާ ފަޅުރަށްރަށުން
ލޯކަލް މާރުކޭޓް ސަރަހައްދު
ފަޅުރަށްރަށުން ކުރުނބަ އާއި ކާށި އަޅައިގެން، ރޯދަމަހު މާރުކޭޓްގައި ވިއްކުމުގެ ފުރުސަތު ހުޅުވާލައިފި އެވެ.
މިނިސްޓްރީ އޮފް ފިޝަރީޒް އެންޑް އެގްރިކަލްޗަރ އިން ކޮށްފައިވާ އިއުލާނެއްގައި ވަނީ ކޮންމެ އަހަރެއްގެ ރޯދަމަހާ ދިމާކޮށް ކުރުނބަ އާއި ކާއްޓަށް އޮންނަ ޑިމާންޑް ބޮޑުވެ، އަގުތައް އުފުލޭކަން ފާހަގަކުރެވޭ ކަމަށެވެ. އެހެންކަމުން އެކަމަށް ހައްލެއް ހޯދުމަށްޓަކައި އެމިނިސްޓްރީގެ ބެލުމުގެ ދަށުގައިވާ ފަޅު ރަށްރަށުން، މިނިސްޓްރީއާއެކު އެއްބަސްވެވޭ އަގުތަކެއްގައި ކުރުނބަލާއި ކާށި ވިއްކަން ބޭނުންވާ ފަރާތްތަކަށް އެ ފުރުސަތު ހުޅުވާލާ ކަމަށެވެ.
އެ މިނިސްޓްރީން ބުނީ އެކަމަށް އެދޭ ފަރާތްތަކުން މި މެއި މަހުގެ 21 ވަނަ ދުވަހުގެ ރަސްމީ ގަޑި ބަންދުވުމުގެ ކުރިން ފިޝަރީޒް އެންޑް އެގްރިކަލްޗަރ މިނިސްޓްރީއަށް ސިޓީއަކުން ނުވަތަ އީމެއިލް މެދުވެރިކޮށް ހުށަހެޅުއްވުން އެދޭ ކަމަށެވެ.
ކުރުނބަ އާއި ކާއްޓަކީ ރޯދަ މަހު އެންމެ ޑިމާންޑް ބޮޑު ކާބޯ ތަކެތީގެ ތެރޭގައި ހިމެނޭ ތަކެއްޗެވެ. އަގު މައްޗަށް ދިއުމުގެ އިތުރުން ކުރުނބަ އާއި ކާށި ލިބުމުގައިވެސް ދަތި ތަކެއް ހާއްސަކޮށް ރޯދަމަހު ދިމާވެއެވެ.
