ވެކްސިން ފުރިހަމަ ކުރި މީހުންގެ އަދަދު 271،000ށް
2 އޯގަސްޓު 2021 | ހޯމަ 18:28ފުރަތަމަ ޑޯޒް ޖެހި މީހުންގެ އަދަދު ވަނީ 323،568ށް އަރާފައި
ކުޅުދުއްފުށީގައި ވެކްސިން ދިނުމުގެ ޕްރޮގްރާމްގެ ތެރެއިން
ކޮވިޑް-19އާ ދެކޮޅަށް ވެކްސިން ފުރިހަމަ ކުރި މީހުންގެ އަދަދު 271،000ށް ވުރެ އިތުރުވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން އާންމުކޮށްފައިވާ ތަފާސް ހިސާބުތައް ދައްކާގޮތުން، އާދީއްތަ ދުވަހު 3308 މީހަކު ވަނީ ވެކްސިން ފުރިހަމަކޮށްފައެވެ. އާދީއްތަ ދުވަހު ވެކްސިން ފުރިހަމަ ކުރި މީހުންގެ ތެރޭގައި ހިމެނެނީ މާލެ ސަރަހައްދުން ވެކްސިން ޖެހި 1008 މީހުންނާއި އަތޮޅު ތެރެއިން ވެކްސިން ޖެހި 2300 މީހުންނެވެ. މިއާއެކު ރާއްޖޭގައި ވެކްސިން ފުރިހަމަ ކުރި މީހުންގެ އަދަދު ވަނީ 271،552ށް އަރާފައެވެ.
އާދީއްތަ ދުވަހު ފުރަތަމަ ޑޯޒް ޖަހާފައިވަނީ 858 މީހުންނެވެ. މީގެ ތެރޭގައި ހިމެނެނީ މާލެ ސަަހައްދުން ވެކްސިން ޖެހި 584 މީހުންނާއި، އަތޮޅު ތެރެއިން ވެކްސިން ޖެހި 274 މީހުންނެވެ. މިއާއެކު ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 323،568ށް އަރާފައެވެ.
ރާއްޖޭގެ އާބާދީގެ 50 އިންސައްތައަށްވުރެ ގިނަ މީހުން މިހާތަނަށް ވަނީ ވެކްސިންގެ ދެ ޑޯޒް ފުރިހަމަކޮށްފައެވެ. ސަރުކާރުގެ އަމާޒަކީ އަންނަ އޮގަސްޓު މަސް ނިމުމުގެ ކުރިން ރާއްޖޭގެ އާބާދީގެ 90 އިންސައްތަ މީހުން ވެކްސިންގެ ދެ ޑޯޒް ފުރިހަމަކުރުމެވެ.
