އިތުރު 426 މީހަކު ވެކްސިން ފުރިހަމަކޮށްފި
1 އޯގަސްޓު 2021 | އާދީއްތަ 02:1212 މީހަކު ފުރަތަމަ ޑޯޒް ޖަހާފައިވޭ
ކޮވިޑް-19 ވެކްސިން ޖެހުމުގެ ކެމްޕެއިންގެ ތެރެއިން
އިތުރު 426 މީހަކު ކޮވިޑް-19 ވެކްސިންގެ ދެ ޑޯޒު ފުރިހަމަކޮށްފިއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން އާންމުކޮށްފައިވާ މައުލޫމާތުތައް ދައްކާ ގޮތުން ހުކުރު ދުވަހު ވެކްސިން ޖަހާފައިވަނީ ހަމައެކަނި އަތޮޅުތެރެއިންނެވެ. އެގޮތުން 12 މީހަކު ވެކްސިންގެ ފުރަތަމަ ޑޯޒް ޖަހާފައިވެއެވެ. މިއާއެކު ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 321،764ށް އަރާފައެވެ. އަދި 426 މީހަކު ހުކުރު ދުވަހު ވެކްސިން ފުރިހަމަކޮށްފައިވާ އިރު، މުޅި ޖުމްލަ 264،913 މީހަކު ވަނީ ވެކްސިން ފުރިހަމަކޮށްފައެވެ.
ގައުމީ ވެކްސިން ކެމްޕޭންގެ ތެރެއިން މާލެ ސަރަހައްދުގައި 6 ވެކްސިން ސެންޓަރާއި މޮބައިލް 3 ޓީމެއް ހަރަކާތްތެރިވާ އިރު، އަތޮޅު ތެރޭގައި 176 ވެކްސިން ސެންޓަރެއް ވަނީ ގާއިމްކޮށްފައެވެ. އެޗްޕީއޭއިން ވަނީ ހުޅުމާލޭގައި ވެކްސިން ޖަހާ ސެންޓަރު ބަދަލުކޮށްފައެވެ. އެގޮތުން ހުޅުމާލޭގައި ވެކްސިން ދިނުން މިހާރު ހުޅުމާލެ ހޮސްޕިޓަލަށް ބަދަލުކުރެވިފައިވާ ކަމަށް އެޗްޕީއޭއިން ބުނެއެވެ.
ހޮނިހިރު ދުވަހުން ފެށިގެން އަލުން ވެކްސިން ޖެހުމުގެ ކަންކަން ކުރިއެކޭ އެއްގޮތަށް ވަނީ ފަށާފައެވެ. އަދި ރާއްޖޭގެ ހުރިހާ އެންމެންނަށް ބޭނުންވާ ވަރަށް ވެކްސިން ޔަގީން ކުރެވިފައިވާ އިރު، ސަރުކާރުގެ އަމާޒަކީ އޮގަސްޓް މަހުގެ ނިޔަލަށް ރާއްޖޭގެ ވެކްސިން ޖެހޭ އާބާދީގެ 90 އިންސައްތައަށް ވެކްސިން ޖަހާ ނިންމުމެވެ.
