ގެއްލިގެން ހޯދަމުން ދިޔަ ޒުވާނާ ފެނިއްޖެ
31 ޖުލައި 2021 | ހޮނިހިރު 12:55ނައުފަލް ފެނުނީ ފެނުނީ ހޮނިހިރު ދުވަހު 04:45 ގައި
ފުލުހުން ނައުފަލް ހޯދުމުގެ މަސައްކަތް ފެށީ އާއިލާ އިން އޭނާ ގެއްލިގެން ރިޕޯޓް ކުރުމާއި ގުޅިގެން
ގެއްލިގެން ހޯދަމުން ދިޔަ ޒުވާނާ ފެނިއްޖެއެވެ.
ފުލުހުން ބުނީ ގެއްލިގެން ހޯދަމުން ދިޔަ އދ. ކުނބުރުދޫ، ފެހިގެ، އަޙްމަދު ނައުފަލް (26އ) ފެނުނީ ހޮނިހިރު ދުވަހު 04:45 ގައި ކަމަށެވެ. އަދި އޭނާގެ ހާލު ރަނގަޅު ކަމަށެވެ. މިކަމާއި ގުޅޭ އިތުރު މައުލޫމާތު ހިއްސާ ކުރެވެން ނެތް ކަމަށް ފުލުހުން ވަނީ ބުނެފައެވެ.
ފުލުހުން އޭނާ ހޯދުމުގެ މަސައްކަތް ފެށީ މި ޖުލައި މަހުގެ 26 ވަނަ ދުވަހުން ފެށިގެން އާއިލާއަށް އޭނާގެ އެއްވެސް ޚަބަރެއްނުވެ، ވީނުވީއެއް ނޭނގި ގެއްލިގެން އާއިލާގެ ފަރާތުން ފުލުހުންނަށް މިކަން ރިޕޯޓުކުރުމާ ގުޅިގެންނެވެ. އަޙްމަދު ނައުފަލްގެ ޚަބަރެއް އެންމެ ފަހުން ވީއިރު އޭނާ އުޅެމުންއައީ ރައްޓެއްސަކާއެކު މާލޭގައި ކަމަށް އާއިލާއިން މައުލޫމާތު ދީފައިވާ ކަމަށް ފުލުހުން ބުންޏެވެ.
ރާއްޖެއެމްވީއަށް މައުލޫމާތު ދެމުން ނައުފަލްގެ އާއިލާއިން ބުނީ ނައުފަލް އަކީ މަހަށް ދާ މީހެއް ކަަމަށާއި އޭނާ މާލެއަށް އައީ ޑޮކްޓަރަށް ދައްކަން ކަމަށެވެ. އަދި އާއިލާ މީހެއް ގާތު ރައްޓެއްސެއްގެ ގޭގައި ހުންނަ ކަމަށް ބުނި ކަމަށް ވެސް ބުންޏެވެ. ނައުފަލް އެންމެ ފަހު ފޯނުން ވާހަކަ ދެއްކީ އޭނާގެ މަންމައާ ކަމަށް ވެސް އޭރު އާއިލާއިން ބުންޏެވެ.
