އިސްރާއީލުން ފަލަސްތީނުގެ 12 އަހަރުގެ ކުއްޖެއް މަރާލައިފި
29 ޖުލައި 2021 | ބުރާސްފަތި 07:14އިސްރާއިލު ސިފައިންގެ ހަމަލާތަކުގައި މިދިޔަ ހޮނިހިރު ދުވަހު ފަލަސްތީނުގެ 17 އަހަރުގެ ފިރިހެންކުއްޖެއް ވެސް ވަނީ މަރުވެފައި
އިސްރާއިލް ސިފައިންގެ ހަމަލާތަކުގައި މަރާލި 12 އަހަރުގެ ކުއްޖާ
އިސްރާއީލުގެ ސިފައިން ފަލަސްތީނުގެ 12 އަހަރުގެ ފިރިހެން ކުއްޖެއް މަރާލައިފިއެވެ.
އަލްޖަޒީރާގައި ރިޕޯޓްކޮށްފައިވަ ގޮތުން އިސްރާއިލުން ހިސާރުކޮށްފައިވާ ވެސްޓް ބޭންކުގެ ސަރަހައްދުގައި ދަތުރުކުރަމުންދިޔަ ފިރިހެނަކާއި އޭނާގެ ދެ ދަރިންނަށް އަމާޒުކޮށް އިސްރާއީލުގެ ސިފައިން ވަނީ ބަޑީގެ ހަމަލާތަކެއް ދީފައެވެ. އެމީހުން ދަތުރުކުރަމުން ދިޔައީ ކާރެއްގައެވެ.
މި ހަމަލާތަކުގައި މެއަށް ވަޒަން އަރައި އެ ކުއްޖާ މަރުވެފައި ވަނީ ބެއިތު އުމަރު އަވަށުގައެވެ. މިއީ އިސްރާއިލް ސިފައިންގެ ބަޑީގެ ހަމަލާތަކުގައި މަރުވި ފަލަސްތީނުގެ އެންމެ ހަގު ކުދިންގެ ތެރެއިން ކުއްޖެކެވެ. އިސްރާއީލު ސިފައިންގެ ހަމަލާތަކުގައި މިދިޔަ ހޮނިހިރު ދުވަހު ފަލަސްތީނުގެ 17 އަހަރުގެ ފިރިހެން ކުއްޖެއް ވެސް ވަނީ މަރުވެފައެވެ.
މިދިޔަ ހުކުރު ދުވަހު ބެއިތާގައި ސަތޭކައަށް ވުރެ ގިނަ ފަލަސްތީނުގެ ރައްޔިތުން އެއްވެ ނުރުހުން ފާޅުކަރަން ފެށުމުން އިސްރާއިލުގެ ސިފައިންނާއި ފަލަސްތީނުގެ އާންމުންނާ ދެމެދު ހަމަނުޖެހުން ހިނގާފައިވެއެވެ. އަދި މި ހަމަނުޖެހުމުގައި އިސްރާއީލު ސިފައިންގެ ބަޑީގެ ހަމަލާގައި ފަލަސްތީނުގެ 320 އާންމުން ވަނީ ޒަޚަމްވެފައެވެ. އިސްރާއީލުގެ ހަމަލާތަކަށް ފަރުވާހޯދަމުން ދިޔަ އުމުރުން 41 މީހެއް ވަނީ މަރުވެފައެވެ.
ވެސްޓް ބޭންކު ހިސާރުކޮށް އެސަރަހައްދުގައި ޔަހޫދީން ދިރިއުޅެމުންދާއިރު ގައުމުތަކުން ވަނީ އެކަން ކުއްވެރިކޮށްފައެވެ. އިސްރާއިލުން ފަލަސްތީނުގައި ހިންގާ ލާއިންސާނީ ހަަމަލާތައް އެތައް ބަޔަކު ކުއްވެރިކޮށް އެކަންތައްތައް ހުއްޓާލުމަށް އިސްރާއިލަށް ދަނީ ގޮވާލަމުންނެވެ.
