ތައުލީމީ ދާއިރާއަށް ދިވެހިން ނެރުމަށް އެމްއެންޔޫއިން ގިނަ ކޯސްތަކަކަށް ހުޅުވާލައިފި
ތައުލީމީ ދާއިރާގެ ކޯސްތައް ހެދުމުގެ ފުރުސަތު ޔުނިވަރސިޓީގެ ކެމްޕަސްތަކުންވެސް ލިބިގެންދާނެ
އެމްއެންޔޫ- ތައުލީމީ ދާއިރާގެ ކޯސްތައް ހެދުމުގެ ފުރުސަތު ޔުނިވަރސިޓީގެ ކެމްޕަސްތަކުންވެސް ލިބިގެންދާނެ
އޯގަސްޓް މަހުގެ އިންޓޭކަށް ދިވެހިރާއްޖޭގެ ގައުމީ ޔުނިވަރސިޓީ (އެމްއެންޔޫ)ގެ ފެކަލްޓީ އޮފް އެޑިއުކޭޝަން (އެފްއީ)ން ގިނަ ކޯސްތަކަކަށް ފުރުސަތު ހުޅުވާލައިފިއެވެ.
ރާއްޖެ އެމްވީއާ ވާހަކަ ދައްކަވަމުން އެފްއީގެ ޑީން މަރިޔަމް ފިޒާނާ ރަޝީދު ވިދާޅުވީ، އެފްއީއިން ހުޅުވާލާފައިވާ ޓީޗިންގ ޑިގްރީ އަދި މާސްޓަރސްގެ ކޯސްތަކަކީ ތައުލީމީ ދާއިރާއިން ކުރިޔަށްދާން ބޭނުންވާ ފަރާތްތަކަށް ފަސޭހަކަމާއެކު ބައިވެރިވެވޭނެ ކޯސްތަކެއް ކަމަށެވެ. އަދި ތައުލީމީ ދާއިރާއަކީ މުޅި ރާއްޖޭގައި އެ ދާއިރާއިން ވަޒީފާގެ ފުރުސަތުތައް ގިނަ ދާއިރާއެއް ކަމަށާއި، ގައުމީ ޔުނިވަރސިޓީގެ އަމާޒަކީ މިދާއިރާއަށް ދިވެހީން ތަމްރީނު ކޮށްދިނުން ކަމަށެވެ.
ފިޒާނާ އިތުރަށް ވިދާޅުވީ ތައުލީމީ ދާއިރާގެ ކޯސްތައް ހެދުމުގެ ފުރުސަތު ޔުނިވަރސިޓީގެ ކެމްޕަސްތަކުންވެސް ލިބިގެންދާނެ ކަމަށެވެ. ޔުނިވަރސިޓީގެ ހަތަރު ކެމްޕަސް އަތޮޅުތެރޭގައި ހުރެއެވެ. އެއީ ހދ. ކުޅުދުއްފުށީ ކެމްޕަހާއި، ލ. ގަމު ކެމްޕަހާއި، ގދ. ތިނަދޫ ކެމްޕަހުގެ އިތުރުން ހިތަދޫ ކެމްޕަހެވެ.
"ގައުމު ބިނާ ކުރުމަށް އެމްއެންޔޫ"ގެ ނަމުގައި ކުރިޔަށް ގެންދާ ޚާއްސަ ސްކޮލަރޝިޕްތަކަކަށް ފުރުސަތު ހުޅުވާލާފައިވާއިރު، މި ފަހަރުގެ ސްކޮލަރޝިޕްގައި، އެފްއީގެ ދަރިވަރުންނަށް އިސްކަން ދޭނީ ޕްރައިމަރީ އެޑިއުކޭޝަން އިން މަތީ ތައުލީމު ހާސިލްކުރާ ދަރިވަރުންނަށް ކަމަށް އެމްއެންޔޫއިން ވަނީ ބުނެފައެވެ.
މި ސްކޮލަރޝިޕްގެ ދަށުން ދަރިވަރުންގެ ޓިއުޝަން ފީ ހިލޭވާނެއެވެ. އަދި އެލަވަންސްގެ ގޮތުގައި 5000 ރުދިޔާ ލިބޭއިރު، ކޯސް ފަށާއިރު ފޮތްތައް ގަތުމަށްވެސް 5000 ރުފިޔާ ދިނުމަށް ވަނީ ނިންމައިފައެވެ. އަދި ސްކޮލަރޝިޕްގެ ފުރަތަމަ މަހުގައި އެސްޓެބްލިޝްމަންޓެއްގެ ގޮތުގައި 5000 ރުފިޔާ ދޭއިރު ދަނާލުގައި ހުރެގެން ކިޔެވުމުގެ ފުރުސަތު ލިބިގެންދާނެއެވެ.
އެމްއެންޔޫގެ އޮގަސްޓް އިންޓޭކުގެ ކޯސްތަކަށް އެޕްލައި ކުރުމުގެ ފުރުސަތު ހުޅުވާލާފައިވާއިރު، މި ފުރުސަތު އަންނަ މަހުގެ 5 ވަނަ ދުވަހާ ހަމައަށް އޮންނާނެއެވެ. ކޯސްތަކަށް ހުށަހެޅުމުގެ ފުރުސަތު އޮންލައިންކޮށް ވަނީ ހުޅުވާލާފައެވެ.
އެމްއެންޔޫއިން ގިނަ ދަރިވަރުންތަކެއް މިހާތަނަށް ދަސްވެނިވެފައިވާއިރު، އެމްއެންޔޫ ފާހަގަ ކޮށްލެވެނީ ފުންނާބު އުސް ލެކްޗަރާއިން ކިޔަވައިދޭ ޔުނިވަރސިޓީއެއްގެ ގޮތުގައެވެ.
