ކޮވިޑް19 އާއި ގުޅިގެން އިނގިރެސިވިލާތުގައި އަޅާފައިވާ ހުރިހާ ފިޔަވަޅަކަށް ލުއިދީފި

ކޮވިޑް-19 އާއި ގުޅިގެން އިނގިރޭސިިލާތުގައި އަޅާފައިވާ ހުރިހާ ފިޔަވަޅަކަށް ލުއި ދީފިއެވެ.

އެ ގައުމުގެ ސަރުކާރުން ފިޔަވަޅުތަކަށް ލުއިދީފައިވަނީ، މާސްކް އެޅުމަށް އެޅާފައިވާ ފިޔަވަޅުވެސް ހިމެނޭ ގޮތަށެވެ. މި ފިޔަވަޅުތަކަށް މިގޮތަށް ލުއިދީފައިވާއިރު، އައު ވޭރިއަންޓެއް އުފެދި އަނެއްކާ ވެސް ބަލި ފެތުރުން އިތުރުވެދާނެ ކަމުގެ އިންޒާރު ސައިންސްވެރިން ވަނީ ދީފައެވެ.

އާދީއްތަ ދުވަހުގެ ރެއިން ފެށިގެން އެ ގައުމު އާއްމު ހާލަތަށް ގެނެސްފައިވާއިރު، ލޮކްޑައުން ކުރި ފަހުން ފުރަތަމަ ފަހަރަށް ނައިޓް ކްލަބްތައް ވެސް ވަނީ ހުޅުވާފައެވެ. ސިނަމާތަކާއެި ކެފޭތަކަށް ވެސް ކުރިއެކޭ އެއްގޮތަށް އެތަނުގައި ޖާގަ އޮންނަވަރަށް މީހުން ވައްދައިގެން ހިދުމަތްދޭން ވަނީ ފަށާފައެވެ.

މިވަގުތު އެކަހެރިވެވަޑައިގެން ހުންނެވި އިނގިރޭސީ ބޮޑުވަޒީރު ބޮރިސް ޖޯންސަން ވަނީ ލުއިތަކާއެކު ވެސް ސަމާލުވެގެން އުޅުމަށް އިލްތިމާސްކޮށްފައެވެ. ސަރުކާރުން އުންމީދުކުރަނީ، ވެކްސިން ފުރިހަމަ ކުރުމުން އެއީ ގައުމުގެ ރައްޔިތުންނަށް ދިފާއެއް ކަމަށެވެ.

އިނގިރޭސިވިލާތުގެ ރައްޔިތުން ސިފަކުރަނީ މިއީ މިނިވަން ދުވަހެއްގެ ގޮތުގައެވެ.