މާލެ ސަރަހައްދުގައި ޕޮޒިޓިވް ކޭސްތައް 13ށް ދަށްވެއްޖެ
މިހާތަނަށް ނިޔާވި މީހުންގެ އަދަދު މިހާރުވަނީ 210އަށް އަރާފައި
މާލެ ސަރަހައްދުގައި ކޭސްތައް ދަށްވެ، ޅާފައިވާ ފިޔަވަޅުތަކަށްވަނީ ލުއި ދީފައި
މާލެ ސަރަަހައްދުން ޕޮޒިޓިވްވި މީހުންގެ އަދަދު 13އަށް ދަށްކުރެވިއްޖެއެވެ.
ރާއްޖެއިން ކޮވިޑް-19އަށް އިތުރު 138 މީހުން ޕޮޒިޓިވްވެފައިވާކަން ހާމަކޮށް އެޗްޕީއޭއިން ޢާއްމުކޮށްފައިވާ ތަފާސްހިސާބަށް ބަލާއިރު، އަލަށް ޕޮޒިޓިވްވި 138 މީހުންގެ ތެރޭގައި ހިމެނެނީ މާލެ ސަރަހައްދުން ބައްޔަށް ޕޮޒިޓިވްވި 13 މީހުންނާއި، އަތޮޅުތަކުގެ ރަށްރަށުން ޕޮޒިޓިވްވި 105 މީހުންނާއި، ރިސޯޓުތަކުން ޕޮޒިޓިވްވި 7 މީހުންނާއި އަދި ތަރައްގީ ކުރަމުންދާ ރަށްރަށުން ޕޮޒިޓިވްވި 13 މީހުންނެވެ.
އަލަށް މިބައްޔަށް ޕޮޒިޓިވްވީ މީހުންނާއެކު ރާއްޖެއިން ޖުމްލަ 73،798 މީހުންވަނީ ކޯވިޑް-19އަށް ޕޮޒިޓިވްވެފައެވެ.
އެކްޓިވް ކޭސްތަކުގެ އަދަދު ބުދަ ދުވަހު ހުރީ 3،602 ގައެވެ. ބައްޔަށް ޕޮޒިޓިވްވެފައި ތިބި މީހުންގެ ތެރެއިން ހޮސްޕިޓަލްގައި އެޑްމިޓްކޮށްގެން ފަރުވާދެމުން މިހާރު އަންނަނީ 28 މީހުންނަށެވެ.
ވޭތުވެދިޔަ 24 ގަޑިއިރު ތެރޭގައި ބަލިން ރަނގަޅުވެފައިވަނީ 351 މީހުންނެވެ. މިއާއެކު ބަލިން ރަނގަޅުވި މީހުންގެ ޖުމްލަ ޢަދަދުވަނީ 69،974އަށް އިތުރުވެފަ އެވެ. ވޭތުވެދިޔަ 24 ގަޑިއިރު ތެރޭގައި 4،923 ސާމްޕަލް ވަނީ ޓެސްޓުކޮށްފައެވެ.
ރާއްޖޭގައި ކޮވިޑް ބަލީގައި މިހާތަނަށް ނިޔާވި މީހުންގެ އަދަދު މިހާރުވަނީ 210ށް އަރާފައެވެ. މީގެތެރޭގައި ހިމެނެނީ 192 ދިވެހިންނާ 18 ބިދޭސީންނެވެ.
