ސުޕަރނެޓް ފިކްސްޑް ބްރޯޑްބޭންޑް ޕެކޭޖްތަކަށް ޑޭޓާ ރޯލްއޯވާގެ ޚިދުމަތް!
ޑޭޓާ ރޯލްއޯވަރ ގެ ޚިދުމަތް ސުޕަރނެޓް ކަސްޓަމަރުންނަށް ލިބޭނެ
އުރީދޫ ސުޕަރނެޓް ފިކްސްޑް ބްރޯޑްބޭންޑް އަޕްގްރޭޑްކުރުން
އުރީދޫ ސުޕަރނެޓް ފިކްސްޑް ބްރޯޑްބޭންޑް ޕްލޭންތައް އަޕްގްރޭޑްކޮށް ޕެކޭޖްތަކަށް އުރީދޫއިން އަލަށް ތައާރަފް ކުރި ޑޭޓާ ރޯލްއޯވަރގެ ޚިދުމަތް ލިބޭގޮތަށް ހަމަޖައްސައިފިއެވެ.
އުރީދޫ މޯލްޑިވްސްގެ ތަސައްވުރާއި ސަރުކާރުގެ އިންޓަރނެޓު ހެޔޮކުރުމުގެ މަޝްރޫޢުއަށް އެއްބާރުލުންދިނުމުގެ ގޮތުން އުރީދޫ ސުޕަރނެޓް ފިކްސްޑް ބްރޯޑްބޭންޑް ޕްލޭންތަކަށް ބޮޑެތި ބަދަލުތަކެއް ގެނެސް އައު 4 ޕްލޭނެއް ވަނީ ތައާރަފްކޮށްފައެވެ. އަދި ސުޕަނެޓް ޕެކޭޖްތަކަށް 100 އިންސައްތައާ ހަމައަށް އިތުރު ޑޭޓާލިބިގެންދާއިރު، މި ބަދަލުތަކާއެކު އުރީދޫ ސުޕަރނެޓްގެ ޚިދުމަތަކީ މިހާރުގެ މާކެޓްގައި ހެޔޮ އަގުގައި އެންމެ ބޮޑެތި ޑޭޓާ އެލަވަންސްތައް ލިބޭ ފިކްސްޑް ބްރޯޑްބޭންޑް ޕްލޭންތަކަށް ވެގެންދާނެ ކަމަށް އުރީދޫން ފާހަގަކުރެއެވެ.
ޑޭޓާ އެލަވަންސް، ޑޭޓާ ރޯލްއޯވަރ އަދި ހަލުވި ސްޕީޑްތަކުގެ އިތުރުން ސުޕަރނެޓް ވޮއިސްގެ ޚިދުމަތާއި އުރީދޫ ކްލަބް ޕްރީމިއަރ ލޯޔަލް ޕްރޮގްރާމްގެ ޚިދުމަތް އުރީދޫން ވަނީ އިއުލާނުކޮށްފައެވެ. އެގޮތުން އުރީދޫ ކްލަބް ޕްރިމިއަރ ރިވާރޑް ސްކީމްގެ ޚިދުމަތްތައް ސުޕަރނެޓް 35އެމް އިން ފެށިގެން މަތީ ޕްލޭންތައް ގެންގުޅުއްވާ ފަރާތްތަކަށް ޖުލައި އެއް ވަނަ ދުވަހުން ފެށިގެން ލިބޭއިރު، މި ޚިދުމަތާއެކު ރާއްޖެއާއި ރާއްޖެއިން ބޭރުގެ މަގުބޫލު ބްރޭންޑްތަކާއި ރެސްޓޯރެންޓް އަދި ކެފޭތަކުން ލިބޭ ޚާއްސަ ޑިސްކައުންޓްތައް ކަސްޓަމަރުންނަށް ލިބިގެންދާނެއެވެ. މީގެ އިތުރުން އުރީދޫ ކްލަބް ޕްރިމިއަރ ލައުންޖްއަށް އެކްސެސްވެވި ހިތްގައިމު މާހައުލެއްގައި އެންމެ ފެންވަރު ރަނގަޅު ޚިދުމަތް ކަސްޓަމަރުންނަށް ލިބިގެންދާނެއެވެ.
ސުޕަރނެޓް ފިކްސްޑް ބްރޯޑްބޭންޑްއަށް މި ގެނައި އަޕްގްރޭޑްއާއެކު ސަރުކާރުގެ ހުށަހެޅުންތަކަށް ބިނާކޮށް އުރީދޫއިން ތައާރަފުކޮށްފައިވާ ހަތަރު ޕްލޭނަކީ ސުޕަރނެޓް 5އެމް (30ޖީބީ)، ސުޕަރނެޓް 10އެމް (65ޖީބީ)، ސުޕަރނެޓް 20އެމް (130ޖީބީ)، އަދި ސުޕަރނެޓް 30އެމް (210ޖީބީ) އެވެ.
އުރީދޫ މޯލްޑިވްސްގެ މެނޭޖިންގ ޑިރެކްޓަރ އަދި ސީއީއޯ، ނަޖީބް ޚާން ވަނީ ޑިޖިޓަލް ޚިދުމަތްތައް ބޭނުންކުރަންޖެހޭވަރު އިތުރުވެ އާންމު ދިރިއުޅުމުގެ ކަންކަމަށް ވެސް އިންޓަނެޓް ޚިދުމަތުގެ މުހިންމު ކަން މިއަދު މިވަނީ ނުހަނު ބޮޑުތަނުން އިތުރުވެފައި ކަމަށާއި ޖިޓަލް ދުނިޔޭގައި ފުރިހަމަ އިންޓަނެޓްގެ ޚިދުމަތް ތަޖުރިބާކޮށް އޭގެ ފައިދާ ރާއްޖޭގެ އެންމެހައި ރައްޔިތުންނަށް ފޯރުކޮށްދިނުމަށް ސަރުކާރުން ކުރަމުންދާ މަސައްކަތަށް އެއްބާރުލުން ދިނުމުގެ ގޮތުން އުރީދޫން މިގެނައި ބަދަލުތަކާއެކު ކުންފުނީގެ ކަސްޓަމަރުންނަށް މެދުކެނޑުމެއްނެތް ފުރިހަމަ އިންޓަނެޓްގެ ޚިދުމަތް ތަޖުރިބާކޮށްލުމުގެ ފުރުސަތު ލިބިގެންދާނެ ކަމަށް ވިދާޅުވެފައެވެ.
އުރީދޫއަށް ފިކްސްޑް ބްރޯޑްބޭންޑް ލައިސަންސް ލިބުނީއްސުރެ ވެސް ބްރޯޑްބޭންޑް ގެ ޙިޚިދުމަތް ހެޔޮ އަގުތަކުގައި މާލެ އާއި ރާއްޖޭގެ އެކި ކަންކޮޅުތަކަށް ފޯރުކޮށްދިނުމަށްޓަކައި އެތައް މަސައްކަތެއް އުރީދޫއިން ކުރަމުންދެއެވެ. ރާއްޖޭގެ އާބާދީގެ 75 އިންސައްތައަށް މިހާރު ސުޕަރނެޓްގެ ޚިދުމަތް ލިބޭ އިރު، ޚިދުމަތް އިތުރަށް ފުޅާކޮށް މުޅި ރާއްޖެ ކަވަރ ކުރުމަށް އުރީދޫއިން ދަނީ މަސައްކަތް ކުރަމުންނެވެ. ޑިޖިޓަލް ޚިދުމަތްތައް މެދުވެރިކޮށް ރާއްޖޭގެ ރައްޔިތުންނަށް އިތުރު ފުރުސަތުތައް ފަހިކޮށްދީ، އިންޓަރނެޓްގެ ޚިދުމަތް ވީހާވެސް ގިނަބަޔަކަށް އެންމެ ފުރިހަމަގޮތުގައި ފޯރުކޮށްދިނުމަށް އުރީދޫ މޯލްޑިވްސް އިން އަބަދުވެސް މަސައްކަތް ކުރަމުންގެންދާނެކަމުގެ ޔަގީންކަން އެކުންފުނިން އަރުވައެވެ.
