ކ. މާލެ
|
15 ޖޫން 2021 | އަންގާރަ 22:59
ކުރީގެ ރައީސް ޢަބްދުﷲ ޔާމީން- ޕާޓީއަށް ވަފާތެރި މީހުން ވަކި ކުރައްވަން އެމަނިކުފާނަށް އެނގިވަޑައިނުގަންނަވާ ކަމަށް މެމްބަރުން ދަނީ ބުނަމުން
ކުރީގެ ރައީސް ޢަބްދުﷲ ޔާމީން- ޕާޓީއަށް ވަފާތެރި މީހުން ވަކި ކުރައްވަން އެމަނިކުފާނަށް އެނގިވަޑައިނުގަންނަވާ ކަމަށް މެމްބަރުން ދަނީ ބުނަމުން
ރާއްޖެއެމްވީ
މާލެސިޓީ ޑެޕިއުޓީ މޭޔަރ ހޮވުން
ޕީޕީއެމް މެމްބަރުން ބުނަނީ ޔާމީނަކީ ހަޤީޤީ ލީޑަރެއް ނޫންކަމަށް
 
ރައީސް ޔާމީނަކީ މީހަކު އެއްޗެއް ބުނާއިރަށް ޤަބޫލުފުޅު ކުރައްވާ ބޭފުޅެއްކަމަށް ބުނޭ
 
ޕާޓީގެ ބައެއް އިސް ބޭފުޅުންވެސް ވަނީ ގްރޫޕުން ނުކުމެވަޑައިގެންފައި
 
ޕީޕީއެމްގެ ލީޑަރޝިޕްގެ އެތެރޭގައި ބޮޑެތި ކޯޅުންތަކެއްވެސް ވަނީ އުފެދިފައި

ނިމިގެންދިޔަ ލޯކަލް ކައުންސިލް އިންތިޚާބުގައި މާލެ ސިޓީ ކައުންސިލްގެ ގޮނޑިތައް ކާމިޔާބު ކުރެއްވި ބޭފުޅުންގެ މެދުގައި ޑެޕިޔުޓީ މޭޔަރުކަމުގެ ވާދަވެރިކަން މިވަނީ އިންތިހާއަށް ބޮޑުވެފައެވެ. ގިނަ ގޮނޑިތަކެއް އިދިކޮޅުން ކާމިޔާބުކޮށްފައިވާއިރު، ކައުންސިލް އިންތިޚާބުގައި ހުޅުމާލޭ ދާއިރާގެ ގޮނޑި ކާމިޔާބުކުރެއްވި ޕީއެންސީގެ ނައިބު ރައީސް އިބްރާހީމް ޝުޖާޢު މާލޭ ސިޓީގެ ޑެޕިއުޓީ މޭޔަރުކަމުގެ މަގާމަށް ގެނައުމަށް ޕީޕީއެމް/ޕީއެންސީގެ ސަޕޯޓަރުންނާއި އިސްވެރިން ވަނީ މަސައްކަތް ފަށާފައެވެ. ސޯޝަލް މީޑިޔާގައި ޝުޖާޢުގެ ސަޕޯޓަރުން އެކަމަށް ކެމްޕެއިން ކުރަން ފަށާފައިވާއިރު، މާފަންނު މެދު ދާއިރާގެ ގޮނޑި ކާމިޔާބުކުރެއްވި، އިދިކޮޅު ޕީއެންސީގެ ކައުންސިލް މެންބަރު އަހްމަދު ނަރީޝްއަށް ވެސް ޕާޓީތެރެއިން ގެންދަނީ ކެމްޕެއިން ކުރަމުންނެވެ.

ޝުޖާޢުގެ ސަޕޯޓަރުން ބުނާގޮތުގައި އޭނާއަކީ ކުރީގެ ރައީސް ޢަބްދުﷲ ޔާމީން ހާލުގައި ޖެހިވަޑައިގެންނެވި ދުވަހުވެސް، ރައީސް ޔާމީންގެ ދިފާއުގައި އެންމެ ކުރީ ސަފުގައި މަސައްކަތްކުރެއްވި ބޭފުޅެއްކަމަށެވެ. އަދި މިހާރު ގޮނޑިތަކަށް އިންތިޚާބުވެފައިވާ ކެންޑިޑޭޓުންގެ ތެރެއިން ޑެޕިއުޓީ މޭޔަރަށް ރަނގަޅީ ޝުޖާޢު ކަމަށް ބުނެ އަންނަނީ ކެމްޕެއިން ކުރަމުންނެވެ. އެގޮތުން ނަރީޝް އޭރުގެ ސިޔާސީ މަސައްކަތްތަކުން ފެނިފައިވަނީ ނިސްބަތުން މަދުންކަން ޕާޓީގެ މެމްބަރުންވެސް ފާހަގަކުރެއެވެ. ޚާއްސަ ގޮތެއްގައި ރައީސް ޔާމީން މިނިވަން ކުރުމަށް ގޮވާލައި ހިންގި މަގުމަތީ ޙަރަކާތްތަކުގައި އެމަނިކުފާނަށް ވަފާތެރި މީހުންނާއި، ވަކި އެޖެންޑާއެއް ގެންގުޅެމުންދާ މީހުންނަކީ ކޮބައިކަން ސާފުވެފައިވާކަމަށް ބުނެ ޕީޕީއެމްގެ ވަޓްސްއަޕް ގްރޫޕުގައިވެސް ވަނީ ބޮޑެތި ބަހުސްތަކެއް ކޮށްފައެވެ. މި މައްސަލައިގައި ޕާޓީގެ ބައެއް އިސް ބޭފުޅުންވެސް ވަނީ ގްރޫޕުން ނުކުމެވަޑައިގެންފައެވެ.

އޭގެ އިތުރުން، ރައީސް ޔާމީން ތާއީދު ކުރައްވަނީ ނަރީޝްއަށް ކަމަށްބުނެ ފޮނުއްވި މެސެޖެއް، ޕީޕީއެމްގެ އާންމު މެމްބަރުންނަށް ދައްކަމުން ގެންދާ މައްސަލައާ ގުޅޭގޮތުންވެސް ޕާޓީގެ ތެރޭގައި ހިޔާލުތަފާތުވުން އުފެދިފައިވެއެވެ. އަދި ރައީސް ޔާމީނަކީ މީހަކު އެއްޗެއް ބުނާއިރަށް ޤަބޫލުފުޅު ކުރައްވައި، އެމަނިކުފާނަށް ވަފާތެރިވި މީހުން މަތިން ހަނދުމަފުޅު ނައްތަވާލައްވާފައިވާ ލީޑަރެއްކަމަށްވެސް އެ ޕާޓީގެ އާންމު މެމްބަރުން ގެންދަނީ ބުނަމުންނެވެ. ވަކިން ޚާއްސަކޮށް ރައީސް ޔާމީނަކީ ތެދުވެރި ވަފާތެރި ލީޑަރެއްނަމަ، އެމަނިކުފާނަށް ތެދުވެރިވެ ވަފާތެރިވި މީހުން ދޫނުކުރައްވާނެކަމަށް މެމްބަރުން ގެންދަނީ ބުނަމުންނެވެ.

ޕީޕީއެމް ވަޓްސްއަޕް ގްރޫޕް - ރާއްޖެއެމްވީ

އޭގެ އިތުރުން، ޕީޕީއެމްގެ ލީޑަރޝިޕްގެ އެތެރޭގައި ބޮޑެތި ކޯޅުންތަކެއްވެސް ވަނީ އުފެދިފައެވެ. ޚާއްސަކޮށް ޕާޓީގެ ހަރަކާތްތަކުގައި އެއްވެސް ވަރަކަށް މަޝްވަރާ ކުރުމުގެ ކަންކަން ނެތްކަމަށް ބުނެ މެމްބަރުން ވަނީ ނުރުހުން ފާޅުކޮށްފައެވެ. އަދި އެކަން އެހެން ވަނީ ޕީޕީއެމްގެ ގުނަވަންތައް "ވާގިނައްތާލާފައި" ބޭއްވުމަށް ޕާޓީ ތެރެއިން ބަޔަކު މަސައްކަތް ކުރާތީކަމަށްވެސް އެ ޕާޓީގެ އިސް މެމްބަރަކު ވަޓްސްއަޕް ގްރޫޕަށް ފޮނުވި މެސެޖެއްގައި ބުނެފައި ވެއެވެ.

އޭގެ އިތުރުން، އެންމެ ބޮޑަށް މަގުމަތީ ޙަރަކާތްތައް ހިންގުމުގައި އުޅުނު މީހުން އެއްފަރާތްކޮށް، ގޭގެ ފިނިކޮޓަރީގައި ޓީވީތަކުން އިހުތިޖާޖުކުރަން ފިލާތިބި ބަޔަކަށް މިއަދު ޕާޓީން އިސްކަން ދެމުން ގެންދާކަމަށްވެސް މެމްބަރުން ވަނީ ތުހުމަތުކޮށްފައެވެ.

ޕީޕީއެމް ވަޓްސްއަޕް ގްރޫޕް - ރާއްޖެއެމްވީ
އެކި ފަހަރުމަތިން ހައްޔަރުކޮށް 1000 އާއި 10،000 ރުފިޔާއިން ޖޫރިމަނާކުރިޔަސް އެއްވެސް ޖެހިލުންވުމެއް ނެތި މަގުތަކަށް ނުކުމެ ރައީސް ޔާމީނަށްޓަކައި އިހުތިޖާޖުކުރި ވަފާތެރި ކެރޭ މީހުންތައް ގެއްލި ދިޔައީބާ؟ އިހުތިޖާޖުކުރިއިރު ފިނި ކޮޓަރީގައި ގޭގެ ލިވިންގ ރޫމްގައި ޓީވީން މަންޒަރު ބައްލަވަން ތިއްބެވި މީހުން ރައީސް ޔާމީން ގެއަށް ބަދަލު ކުރީމައި މިހާރު ފެންނަން ފަށައިފި
ޕީޕީއެމްގެ ވަޓްސްއަޕް ގްރޫޕަށް އެޕާޓީގެ މެމްބަރަކު ފޮނުވާފައިވާ މެސެޖެއް
ޕީޕީއެމް އިން ކުރިއަށް ގެންދިޔަ މުޒާހަރާއެއްގެ ތެރެއިން

މި ހުރިހާ ކަމެއްގެ ތެރެއިންވެސް ޕާޓީގެ މެމްބަރުން ފާޅުކޮށްފައިވާ އެންމެ ބޮޑު އެއް ހިތްހަމަނުޖެހުމަކީ ރައީސް ޔާމީނަށް އެމަނިކުފާނުގެ ޙަޤީޤީ ސަޕޯޓަރުން އެނގިވަޑައިނުގަންނަވާ ކަމުގެ ޝަކުވާއެވެ. އެމަނިކުފާނަށް ވަފާތެރި މީހުން ދުރުކުރައްވައި، ވަކި ބަޔަކަށް އިސްކަންދެއްވަމުން ގެންދަވާ ކަމުގެ ޝަކުވާއެވެ. ރައީސް ޔާމީނަކީ ޙަޤީޤީ ލީޑަރެއްނަމަ، ޕާޓީއަށްޓަކައި ޤުރުބާންވީ މީހުންނާއި، އަމިއްލަ ވަކި އެޖެންޑާތަކެއް ގެންގުޅެމުންދާ މީހުން ވަކި ކުރައްވަން އެނގިވަޑައިގަންނަވާނެ ކަމަށް ބުނެ ފާޅުކުރަމުންދާ ކަންބޮޑުވުމެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން
ރިވިއު ކުރީ: އައިޝަތު ރިޔާޒް
11%
11%
0%
11%
67%
0%
ކޮމެންޓް
17 ޖޫން 2021 | ބުރާސްފަތި 10:35
ސސ
ފިތުނަ އުފެއްދޭނީ ތިހާކައްވަރަށް . ޝުކުރިއްޔާ
16 ޖޫން 2021 | ބުދަ 20:26
1234
މިހާރު ދެން ހުރިހާކަމެއް ފަޅާ އަރާ ސަރުކާރު ބޮޑުތަނުން ފެއިލްވީމާ މިކަހަލަ ތާކުންތާކު ނުޖެހޭ ލިޔުންތައް ގިނަވާނެ. ލޮލް.
16 ޖޫން 2021 | ބުދަ 10:01
ޚައްދަ
ޑަމީ ޖައްސާއިރު، ތަންކޮޅެއް ތާހިރުކޮށް ޑަމީ ޖައްސަބަލަ. ހީހީ ހަލާކުވެއްޖެ
16 ޖޫން 2021 | ބުދަ 00:19
ބޮޑުވަރު
ދޮގު ޚަބަރު ނުލިޔެބަލަ ލައިޝާ.
ގުޅުންހުރި
ތިޔަ އުޅުއްވަނީ، ހިންޏަށް ހަކުރު އޮޅުވާލައްވަންތޯ؟
ކެމްޕޭން ކުރުމުގެ ހަމަހަމަ ފުރުސަތު ދިނުމަށް ސަރުކާރުން ޒިންމާދާރުކަމާއެކު ކަންކަން ބެލުމަށް ރައީސް ޞާލިހު ސަރުކާރަށް އިލްތިމާސްކުރައްވައިފި
މަޢުލޫމާތު ދިނުމާއި ހާމަކުރުމުގައި، ފިޔަވަޅު އަޅަނީ ފަހަތަށް!
އަދުރޭއެވެ. ވެއްޓުނު ފަތުގެ މަތިން މިއަދު ހަނދުމަފުޅު ނެތް ނަމަވެސް ރައްޔިތުން ވޯޓު ދިނީ ޔާމީނުގެ ފިކުރަށެވެ. ވަކި "މުއިއްޒު ވީމައެއް" ނޫނެވެ!
ވަޒީރުންނަށް ރުހުންދިން ދުވަހު މަޖިލިސް ކައިރިއަށް ސަރުކާރުގެ އިސް ފަރާތްތަކާއެކު ގޭންގުތަކަށް ނިސްބަތްވާ މީހުންވެސް އެއްވި - ޕޮލިސް
ސިޔާސީ މަގާމުތަކަށް މީހުން އައްޔަން ނުކުރައްވާނެ ކަމަށް ވިދާޅުވެ، ޕީއެންސީއާ ދެކޮޅަށް ނުކުތުމުން ނައިބު ވަޒީރުކަން ދެއްވައިފި
ހަޤީޤަތުގައި ވެސް މިސްރާބު ގޯސް، ހަމަ މަގަށް އަޅުވަން ޖެހޭ!
ޔާމީނާ ނުލައި އިންތިޚާބެއް ކާމިޔާބުނުވާނެކަން ރައީސް މުޢިއްޒު އަށް ޤަބޫލުކުރެވެނީތޯ؟