ސިނަމާލެ ބްރިޖް ހައިވޭގައި ނުރައްކާތެރި އެކްސިޑެންޓެއް ހިނގައިފިއެވެ.
ފުލުހުން ބުނީ ބުދަ ދުވަހުގެ ހަވީރު 16:10 ހާއިރު ހުޅުމާލެއިން މާލެ އަންނަ ހައިވޭ މަތިން ސައިކަލަކާއި ޕިކަޕެއް ޖެހިގެން އެކްސިޑެންޓް ވެފައި ވާކަމަށް ރިޕޯޓު ކޮށްފައި ވާކަމަށެވެ.
މި އެކްސިޑެންޓުގައި ދެމީހަކަށް އަނިޔާވެފައި ވެއެވެ. އެދެމީހުންނަށް ވެސް މިހާރު ގެންދަނީ ހުޅުމާލެ ހޮސްޕިޓަލުގައި ފަރުވާ ދެމުންނެވެ.
އެކްސިޑެންޓުގައި އަނިޔާ ލިބިފައިވަނީ ސައިކަލުގައި ތިބި ދެމީހުންނަށް ކަމަށް ފުލުހުން މައުލޫމާތު ދެއެވެ.
މި މައްސަލަ ފުލުހުން މިހާރު ގެންދަނީ ތަހުގީގު ކުރަމުންނެވެ.
