ނެޓްވޯކް ސިސްޓަމްގެ މަސައްކަތެއް ކުރުމަށް ހަމަޖެހިފައިވާތީ ޚިދުމަތަށް ބުރޫއަރާފާނެ: ދިރާގު

ދިރާގު ނެޓްވޯކްގެ ސިސްޓަމް މެއިންޓެނެންސް މަސައްކަތެއް ކުރުމަށް ހަމަޖެހިފައިވާތީ ބުދަ ދުވަހު ޚިދުމަތަށް ބުރޫއަރާފާނެ ކަމަށް އެކުންފުނިން ބުނެފިއެވެ.

ދިރާގުން ބުނީ، ދިރާގު ފިކްސްޑް ބްރޯޑްބޭންޑް ނެޓްވޯކްގެ ސިސްޓަމް މެއިންޓެނެންސް މަސައްކަތެއް 2 ޖޫން ވާ ބުދަ ދުވަހުގެ 2:00ން 3:00ށް ކުރުމަށް ހަމަޖެހިފައިވާ ކަމަށެވެ. އަދި މިގަޑިތަކުގެ ތެރޭގައި ބައެއް ކަސްޓަމަރުންގެ ޚިދުމަތް 30 މިނެޓްގެ ވަގުތު ކޮޅަކަށް މެދުކެނޑުމަކީ އެކަށީގެންވާ ކަމެއް ކަމަށް ދިރާގުން ބުނެއެވެ.

މިމަސައްކަތް ކުރާ ވަގުތު ކުރިމަތިވެދާނެ ދަތިތަކަށް ކަސްޓަމަރުންގެ ކިބައިން ދިރާގުން ވަނީ މައާފަށް ވެސް އެދިފައެވެ.

ރައްޔިތުން އެދޭ ފަދަ ޚިދުމަތް ފޯރުކޮށްދިނުމަށް ދިރާގުން ދަނީ ގިނަ މަސައްކަތްތަކެއް ކުރަމުންނެވެ. އެގޮތުން ކޮވިޑް-19ގެ މިދަނޑިވަޅުގައި ވެސް ޚާއްސަ ޕެކޭޖްތަކާއި ޕްރޮމޯޝަންތައް ދިރާގުން ކުރިއަށް ގެންދެއެވެ.