އުތުރަށް ޔެލޯ އެލަރޓް، މެދުރާއްޖެއަށް ވައިޓް އެލަރޓް ނެރެފި
ބުދަ ދުވަހުގެ ރޭ 10ން ފެށިގެން މެންދަމު 2 ޖެހުމާ ހަމައަށް އުތުރުގެ އަތޮޅުތަކަށް ވަނީ ޔެލޯ އެލަރޓް ނެރެފައި
ކަނޑުގަދަ ދުވަހެއްގައި އުޅަނދުތަކެއް ދަތުރުކުރަނީ
ހއ އަތޮޅުން ފެށިގެން ޅ އަތޮޅަށް ޔެލޯ އެލަރޓް ނެރެފިއެވެ.
މޫސުބެހޭ ގައުމީ އިދާރާއިން ބުނީ ބުދަ ދުވަހުގެ ރޭ 10ން ފެށިގެން މެންދަމު 2 ޖެހުމާ ހަމައަށް އެސަރަހައްދަށް ބޯކޮށް ވާރޭވެހޭނެކަމަށް ލަފާކުރެވޭ ކަމަށެވެ. އަދި އެވަގުތުތަކުގައި އެސަރަހައްދަށް ގަޑިއަކު 25 މޭލާއި 30 މޭލާ ދެމެދުގެ ބާރު މިނުގައި ވައިޖެހޭނެކަމަށާއި ވިލާގަނޑުގައި ގަޑިއަކު 55 މޭލަށް ވައިގަދަވާނެކަމަށް ލަފާކުރެވޭ ކަމަށެވެ. މީގެއިތުުރުން ކަނޑުތައް ގަދަވެ އުދަ އަރާނެކަމަށް ލަފާކުރެވޭ ކަމަށްވެސް އެއިދާރާއިން ބުނެއެވެ.
މީގެއިތުރުން، ބުދަ ދުވަހުގެ ރޭ 10ން ފެށިގެން ފަތިހު 4 ޖެހުމާ ހަމައަށް ކ އަތޮޅުން ފެށިގެން ދ އަތޮޅަށް ވައިޓް އެލަރޓް ނެރޭކަމަށެވެ. މިގަޑިތަކުގައި އެސަރަހައްދަށް ގަޑިއަކު 19 މޭލާއި 24 މޭލާ ދެމެދުގެ ބާރު މިނުގައި ވައިޖެހޭނެ ކަމަށާއި ވިލާގަނޑުގައި ގަޑިއަކު 45 މޭލަށް ވައިގަދަވާނެކަމަށް ލަފާކުރެވޭ ކަމަށެވެ. އަދި އުދައަރާނެކަމަށް ލަފާކުރެވޭ ކަމަށްވެސް އެއިދާރާއިން ބުނެއެވެ.
