ގައިދީންނާއި ބަންދު މީހުންނާ ގުޅޭ ޝަކުވާ މިހާރު ހުށަހެޅޭނީ އީމެއިލާއި ފޯނުން އެކަނި
ފޯނުން ޝަކުވާ ހުށަހަޅާނީ ފޯނުން ނަމަ9421111 އާ ގުޅައިގެން ނުވަތަ މެސެޖް ކޮށްގެން
މޯލްޑިވްސް ކަރެކްޝަނަލް ސަރވިސް
ޤައިދީންނާއި ބަންދު މީހުންނާ ގުޅޭ ޝަކުވާ މިހާރު ހުށަހެޅެނީ އީމެއިލާއި ފޯނުންކަމަށް މިނިސްޓްރީ އޮފް ހޯމް އެފެއާޒުން ބުނެފިއެވެ.
މިކަމާއި ގުޅޭގޮތުން ނެރުނު ނޫސްބަޔާނެއްގައި މިނިސްޓްރީ އޮފް ހޯމް އެފެއާޒުން ބުނީ މިގޮތަށް ނިންމީ ކޮވިޑް19 ން ރައްކާތެރިވުމަށް ހެލްތް ޕްރޮޓެކްޝަން އެޖެންސީން މުޅި ރާއްޖޭގައި ޚާއްސަ ފިޔަވަޅުތަކެއް އަޅަން އެންގެވުމާއި ގުޅިގެން މާލެ ސަރަހައްދުގައިވާ ސަރުކާރުގެ އޮފީސްތައް ހުޅުވައިގެން މަސައްކަތް ނުކުރާ ގޮތަށް ހަމަޖައްސަވާފައިވާ މުއްދަތު، އަންނަ ޖޫން މަހުގެ 8 ގެ ނިޔަލަށް އިތުރުކުރައްވަން ރައީސުލްޖުމްހޫރިއްޔާ ނިންމަވާފައިވާތީކަމަށެވެ.
މިހާލަތުގައި ދިވެހިރާއްޖޭގެ ޖަލުތަކާއި ޕެރޯލް ގާނޫނުގެ 9 ވަނަ މާއްދާގެ (ހ) ގެ ދަށުން އައްޔަންކޮށްވާފައިވާ އިންސްޕެކްޓަރ އޮފް ކަރެކްޝަނަލް ސަރވިސްއަށް، އެގާނޫނުގެ 10 ވަނަ މާއްދާގެ ދަށުން ގައިދީންނާއި ބަންދު މީހުންނާ ގުޅޭ ޝަކުވާ އީމެއިލްގެ ޒަރިއްޔާއިންނާއި، ފޯނުގެ ޒަރިއްޔާއިން ހުށަހެޅުމުގެ ފުރުޞަތު ފަހިކޮށްދީފައިވާކަމަށް ހޯމް މިނިސްޓްރީން ވަނީ ހާމަކޮށްފައެވެ. ޝަކުވާ ހުށަހަޅާނީ އީމެއިލް މެދުވެރިކޮށްނަމަ inspectorate@homeaffairs.gov.mv އަށެވެ. ފޯނުން ނަމަ 9421111އާ ގުޅައިގެން ނުވަތަ މެސެޖް ކޮށްގެންނެވެ.
ފޯނުން ޝަކުވާ ހުށަހެޅޭނީ ރަސްމީ ދުވަސްތަކުގައި ހެނދުނު 9 ން މެންދުރު 2 އާ ދެމެދުއެވެ. މޯލްޑިވްސް ކަރެކްޝަނަލް ސަރވިސްއާއި ދިވެހި ފުލުހުންގެ ޚިދުމަތުގެ ބެލުމުގެ ދަށުގައި ތިބި ގައިދީންނާއި ބަންދު މީހުންނާ ގުޅޭގޮތުން މިހާރުވެސް ޝަކުވާ ހުށަޅަމުން ގެންދާ އުސޫލުން ޝަކުވާ ހުށަހެޅުމުގެ ފުރުސަތު ފަހިކުރުމަށް ބޭނުންވާ އެންމެހާ ކަންކަން މިނިސްޓްރީން ވިލަރެސް ކުރަމުން ގެންދާކަންވެސް ވަނީ ނޫސްބަޔާނުގައި ވަނީ ފާހަގަކޮށްފައެވެ.
ހުށަހަޅާ ޝަކުވާތައް އިންސްޕެކްޓަރ އޮފް ކަރެކްޝަނަލް ސަރވިސްއިން ބަލަމުން ގެންދާނެވާހަކަވެސް ވަނީ ބުނެފައެވެ.
