އެސްޓީއޯގެ އީސްޓޯރ މެދުވެރިކޮށް ކޮންމެގަޑިއަކު ވެސް ވިޔަފާރި ކުރެވޭނެ
ބޭރަށް ދިޔުން މަދުކޮށް، އޮންލައިންކޮށް ވިޔަފާރިކުރުމަށް އެ ކުންފުނިން ވަނީ ބާރު އަޅާފައި
އެސްޓީއޯ ސުޕަރމާކެޓް އަދި ހޯލްސޭލް ސެންޓަރ
އެސްޓީއޯގެ އީސްޓޯރ މެދުވެރިކޮށް 24 ގަޑިއިރު ވިޔަފާރި ކުރެވޭނެ ކަމަށް އެ ކުންފުނިން ބުނެފިއެވެ.
އެސްޓީއޯ އިން ބުނީ އީސްޓޯރ މެދުވެރިކޮށް ވިޔަފާރި ކުރެވޭއިރު ބޭރަށް ދިޔުން މަދުކޮށް، އޮންލައިންކޮށް ވިޔަފާރި ކުރުމަށް އެދޭ ކަމަށެވެ. އެސްޓީއޯ އީސްޓޯރ މެދުވެރިކޮށް ސުޕަމާޓާއި ހޯމް އިމްޕްރޫވްމަންޓުގެ އިތުރުން ގުދަނުން ވިއްކާ ތަކެތި އޮންލައިންކޮށް ގަނެވޭއިރު ގްރޭޓަރ މާލެ ސަރަހައްދަށް ހިލޭ ޑެލިވަރީގެ ޚިދުމަތް ވެސް ފޯރުކޮށްދޭނެއެވެ.
އެސްޓީއޯ އީސްޓޯރއަށް ރަޖިސްޓްރީވާން ނުޖެހޭއިރު https://sto.mv/estore ވެބްސައިޓު މެދުވެރިކޮށް ވިޔަފާރި ކޮށްލެވޭނެއެވެ. ލޮކްޑައުންއާ ގުޅިގެން ޚިދުމަތް މެދުކަނޑާލުމަށް ފަހު އެސްޓީއޯގެ އީސްޓޯރުގެ ޚިދުމަތް އަލުން ފަށާފައިވަނީ މި ދިޔަ އަހަރުގެ އޭޕްރިލް މަހުގެ ތެރޭގައެވެ.
އެސްޓީއޯގެ ޑެލިވަރީ ކުރިއަށްގެންދަނީ ޑެލިވަރީގެ ޚިދުމަތް ދޭ "ރެޑް ބޮކްސް" އާ ގުޅިގެންނެވެ.
