ކޮވިޑްގައި ހޮނޮހިރު ދުވަހުގެ ތިން ވަނަ މަރު ޖުމްލަ 123ށް
އެމީހާ އަށް ފަރުވާދެމުން ދިޔައީ ހުޅުމާލެ މެޑިކަލް ފެސިލިޓީގައި
ސަލާމަތީ ބާރުތަކުން ކޮވިޑް-19 އިން ރައްކާތެރިވުމަށް އަޅާފައިވާ ފިޔަވަޅުތައް ތަންފީޒު ކުރުމުގެ މަސައްކަތުގައި
ކޮވިޑް-19 ޖެހިގެން ހޮނިހިރު ދުވަހު ތިން ވަނަ މީހަކު ނިޔާވެއްޖެއެވެ.
އެޗްޕީއޭއިން ބުނީ ނިޔާވެފައިވަނީ ހުޅުމާލެ މެޑިކަލް ފެސިލިޓީގައި ފަރުވާދެމުން ދިޔަ އުމުރުން 39 އަހަރުގެ ދިވެހި އަންހެނެއް ކަމަށެވެ. އެމީހާ މަރުވީ މިރޭ 8:25 ހާއިރު ކަމަށް ވެސް ބުނެފައިވެއެވެ. މިއާއެކު ކޮވިޑް-19ގައި ރާއްޖެއިން ނިޔާވި މީހުންގެ ޖުމްލަ އަދަދު ވަނީ 123ށް އަރާފައެވެ.
ކޮވިޑް-19ގައި ރާއްޖެއިން ނިޔާވާ މީހުންގެ އަދަދު އިތުރުވަމުން އަންނަ އިރު ކޮންމެ ދުވަހަކު ވެސް ދެތިން މީހަކު ނިޔާވެގެން ރިޕޯޓުކުރާތާ މިހާރު ވަނީ ހަފްތާއެއްހާ ދުވަސްވެފައެވެ. މި ބަލީގައި މިހާތަނަށް އެންމެ ގިނަ މީހުން ނިޔާވެގެން ރިޕޯޓުކުރީ މި މަހުގެ 19 ވަނަ ދުވަހުއެވެ. އެ ދުވަހު ހަތް މީހަކު ވަނީ މަރުވެފައެވެ.
މި ބަލި ޖެހިގެން ރާއްޖެއިން ރިޕޯޓުކުރާ މީހުންގެ އަދަދު ދުވަހެއް ދުވަހަކަށް އިތުރުވަމުން އަންނައިރު މިހާރު ވެސް 21،000ށް ވުރެ ގިނަ އެކްޓިވް ކޭސް އެބަތިއްބެވެ. އަދި ކޮންމެ ދުވަހަކު ވެސް ހާހަކުން މަތިން ޕޮޒިޓިވް ކޭސްތައް ދަނީ ރިޕޯޓުކުރަމުންނެވެ.
