ފޮޓޯ ގެލަރީ
އެއް މިލިއަން ފަތުރުވެރިޔާ އަށް ހޫނު މަރުހަބާއެއް
އެއް މިލިއަން ފަތުރުވެރިޔާ ރާއްޖެ އައިސްފައިވަނީ 29 އޮކްޓޯބަރ 2021 ގައެވެ. އެއީ ފްރާންސްގެ ރައްޔިތެއް ކަމަށްވާ ވިންސެންޓް ވިކްޓަރ ކޮރެންޓިން ޕިޓާއު އެވެ. މި ފަތުރުވެރިޔާ އަށް މަރުހަބާ ކިޔުމަށްޓަކައި ޓުއަރިޒަމް މިނިސްޓްރީ، އެމްއެމްޕީއާރުސީ އަދި އެމްއޭސީއެލްގެ ބޭފުޅުން ވަޑައިގެންނެވިއެވެ.
ރައީސް ސާލިޙު އާއި އަނބިކަނބަލުންގެ މި ފޮޓޯތައް ހިތްގައިމެއް ނޫންތަ؟
މިއީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު، ޔުނައިޓެޑް އެރެބް އެމިރޭޓްސް (ޔޫ.އޭ.އީ)ގެ ބޮޑުވަޒީރު، މިނިސްޓަރ އޮފް ޑިފެންސް އަދި ދުބާއީގެ ވެރިޔާ ޝައިޚް މުޙައްމަދު ބިން ރާޝިދު އަލް މަކްތޫމްއާ އެކު ދުބާއީ އެކްސްޕޯ 2020ގައި ބަހައްޓާފައި ހުރި ރާއްޖޭގެ ޕެވިލިއަންއަށް އޮކްޓޯބަރ މަހުގެ 25 ވަނަ ދުވަހު ކުރެއްވި ޒިޔާރަތުގެ ތެރެއިން ނަގާފައިވާ ފޮޓޯތަކެކެވެ.
ދުބާއީ އެކްސްޕޯ 2020 - ރާއްޖެއިން ދައްކާލާނީ، ރާއްޖޭގެ ގުދުރަތީ ރީތިކަމާއި ތަރިކަ އާއި ސަގާފަތް
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އަނބިކަނބަލުން ފަޒްނާ އަޙްމަދު، ޔުނައިޓެޑް އެރެބް އެމިރޭޓްސް (ޔޫ.އޭ.އީ)ގެ ދުބާއީގައި ކުރިއަށްގެންދާ އެކްސްޕޯ 2020 އަށް ޒިޔާރަތް ކުރައްވާފައިވަނީ 25 އޮކްޓޯބަރ 2021 ގައެވެ.
ރައިދާސް މޯލްޑިވްސް ސްޕްރިންގ ސަމަރ ކަލެކްޝަން 2022 އިފްތިތާހު ކުރުން
އޭޑީ ސްޓްރާ: ރައިދާސް މޯލްޑިވްސް ސްޕްރިންގ ސަމަރ ކަލެކްޝަން 2022 އިފްތިތާޙުކުރުމުގެ ޙަފްލާ ބާއްވާފައިވަނީ 23 އޮކްޓޯބަރ 2021 ގައެވެ. ކްރޮސްރޯޑްސްގައި ބޭއްވެވި މި ޙަފްލާގައި ރައީސުލްޖުމްހޫރިއްޔާގެ ދެކަނބަލުން ވަނީ ބައިވެރިވެވަޑައިގެންފައެވެ.
ރައީސް ސާލިޙް އއ އަތޮޅަށް ކުރައްވާ ދަތުރުފުޅު
އއ އަތޮޅުގެ ބައެއް ރަށްތަކަށް ރައީސުލްޖުމްހޫރިއްޔާ އިބްރާހިމް މުޙައްމަދު ސާލިޙް ދަތުރުފުޅެއް ފައްޓަވާފައިވަނީ 20 އޮކްޓޯބަރ 2021 ގައެވެ. މި ދަތުރުފުޅުގައި އެންމެ ފުރަތަމަ ވަޑައިގެންފައިވަނީ އއ. ތޮއްޑޫއަށެވެ. އެއަށްފަހު އއ ރަސްދޫ އަދި އުކުޅަސް ހިމެނެއެވެ. ރައީސްގެ މި ދަތުރުފުޅުގައި، އއ. މަތިވެރި، އއ. ބޮޑުފޮޅުދޫ އަދި އއ. ހިމަންދޫ ހިމެނެއެވެ. ދަތުރުފުޅު ނިންމަވާލެއްވުމަށްފަހު މާލެ ވަޑައިގަންނަވަން ހަމަޖެހިފައިވަނީ 21 އޮކްޓޯބަރ 2021 ގައެވެ.
ގ. ތުނޑި އިމާރާތުގެ 4 ވަނަ ފަންގިފިލާގައި އަލިފާން ރޯވުން
ގ. ތުނޑި އިމާރާތުގެ 4 ވަނަ ފަންގިފިލާގައި އަލިފާން ރޯވެފައިވަނީ 17 އޮކްޓޯބަރ 2021 ގައެވެ. އެ ފްލޯއަކީ "ސީގަލް ފުޑްސް" ގެ ބިދޭސީންތަކެއް އެކޮމޮޑޭޝަންގެ ގޮތުގައި ބޭނުންކުރާ ފްލޯއެއް ކަމަށް މައުލޫމާތު ލިބެއެވެ.
މޫސުން - ކަނޑުތައް ވަރަށް ގަދަވާނެ، ސަމާލުވޭ
މި ދުވަސްވަރު މޫސުން ގޯސްވުމުގެ ސަބަބުން ކަނޑުދަތުރު ކުރާ ފަރާތްތަކުން މޫސުމަށް ސަމާލުވުމަށް މޫސުމާބެހޭ ޤައުމީ އިދާރާއިން ވަނީ އިލްތިމާސްކޮށްފައެވެ.
އުރީދޫ ސާފް ޗެމްޕިއަންޝިޕް - އިންޑިއާ އާއި ރާއްޖެ ބައްދަލުކުރި މެޗު
ދެކުނު އޭޝިއާގެ އެންމެ ބޮޑު ފުޓްބޯޅަ މުބާރާތް ކަމަށްވާ "އުރީދޫ ސާފް ޗެމްޕިއަންޝިޕް 2021" ގައި ބުދަ ދުވަހުގެރޭ ރާއްޖެ ބަލިކޮށް މުބާރާތުގެ ފައިނަލުގެ ފަހު ޖާގަ އިންޑިއާއިން ވަނީ ހޯދާފައެވެ. މި މެޗުން އިންޑިއާ މޮޅުވީ 3-1 ގެ ނަތީޖާއަކުންނެވެ.
ފަރުވާއަށްފަހު ރައީސް ނަޝީދު ރާއްޖެ ވަޑައިގެންނެވުން، ފެނުނީ ހިތާއި ހިތުގެ ގުޅުން
ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދަށް އަމާޒުކޮށް މެއި 6 ވަނަ ދުވަހު ދިން ހަމަލާގައި ލިބިވަޑައިގެންނެވި ޒަޚަމްތަކަށް އޭޑީކޭގައި ފަރުވާ ހޯއްދެވުމަށްފަހު އިތުރު ފަރުވާއަށް ޖަރުމަނުވިލާތަށް ވަޑައިގެންނެވީ މެއި މަހުގެ 13 ވަނަ ދުވަހުއެވެ. ޖަރުމަންވިލާތުގައި ފަރުވާ ހޯއްދެވުމަށްފަހު އިނގިރޭސިވިލާތަށް ވަޑައިގެންނެވީ، ޖުލައި މަހުގެ 2 ވަނަ ދުވަހުއެވެ. އަނިޔާތަކަށް ފަރުވާ ހޯއްދެވުމަށް ރާއްޖެއިން ބޭރުގައި ހުންނެވުމަށްފަހު ރައީސް ނަޝީދު އެނބުރި ރާއްޖެ ވަޑައިގެންފައިވަނީ 11 އޮކްޓޯބަރ 2021 ގައެވެ. ރައީސް ނަޝީދަށް އެއަރޕޯޓުން މަރުހަބާ ވިދާޅުވީ ރައީސުލްޖުމްހޫރިއްޔާ އިބްރާހީމް މުހައްމަދު ސާލިހްއެވެ.
އުރީދޫ ސާފް ޗެމްޕިއަންޝިޕް - ރާއްޖެ އާއި ލަންކާ ބައްދަލުކުރި މެޗު
ދެކުނު އޭޝިއާގެ އެންމެ ބޮޑު ފުޓްބޯޅަ މުބާރާތް ކަމަށްވާ "އުރީދޫ ސާފް ޗެމްޕިއަންޝިޕް 2021" ގައި އާދިއްތަ ދުވަހުގެ ހަވީރު ކުޅުނު މެޗުން ސްރީ ލަންކާ ބަލިކޮށް ރާއްޖޭން ވަނީ ފައިނަލުގެ އުއްމީދު ދަމަހައްޓާފައެވެ. މި މެޗުން ރާއްޖެ މޮޅުވީ 1-0 ގެ ނަތީޖާއަކުންނެވެ.
އުރީދޫ ސާފް ޗެމްޕިއަންޝިޕް - ރާއްޖެ އާއި ބަންގްލަދޭޝް ބައްދަލުކުރި މެޗު
ދެކުނު އޭޝިއާ ސަރަހައްދުގެ އެންމެ ބޮޑު ފުޓްބޯޅަ މުބާރާތް ކަމަށްވާ "އުރީދޫ ސާފް ޗެމްޕިއަންޝިޕް 2021" ގައި ގައި ބުރާސްފަތި ދުވަހުގެރޭ 2-0 ގެ ނަތީޖާއަކުން ބަންގްލަދޭޝް ބަލިކޮށް ރާއްޖޭން މުހިންމު މޮޅެއް ހޯދައިފިއެވެ. މި މޮޅާއެކު ތާވަލުގެ ތިންވަނައަށް ރާއްޖެ ޖެހިލީ ކުޅުނު ދެ މެޗުން ލިބުނު ތިން ޕޮއިންޓާއެކުއެވެ.
އދ.ގެ އާންމު މަޖިލީހުގެ ރައީސް އަބްދުﷲ ޝާހިދު ރާއްޖެޓީވީ އަށް ކުރެއްވި ޒިޔާރަތުގެ ތެރެއިން
އދ.ގެ އާންމު މަޖިލީހުގެ 76 ވަނަ ސެޝަންގެ ރައީސް އަބްދުﷲ ޝާހިދު ރާއްޖެޓީވީގެ "ފަށާއިރު" ޕްރޮގްރާމަށް ވަޑައިގެންފައިވަނީ 7 އޮކްޓޯބަރ 2021 ގައެވެ. ރާއްޖެޓީވީގެ ފަށާއިރު ޕްރޮގްރާމުގައި ޝާހިދު ވިދާޅުވީ، ރާއްޖެޓީވީގެ ދައުވަތު ގަބޫލުފުޅު ކުރެއްވީ މިއަދު އާދެވިފަ މިހިރަ ހިސާބަށް ރާއްޖޭގެ ޑިމޮކްރަސީގެ ދަތުރުގައި ރާއްޖެޓީވީ ކުޅެފައިވާ ދައުރު މުހިއްމު ކަމުން ކަމަށެވެ. ގައުމީ ދުވަހެއްގައި ރާއްޖެޓީވީ އަށް ވަޑައިގެން ވާހަކަފުޅު ދެއްކެވުމަކީ ލިބިލެއްވި އުފަލެއް ކަމަށް ވިދާޅުވިއެވެ. ޑިމޮކްރަސީއަށް މިކުރި ދަތުރުގައި އެންމެ ދަތި އެންމެ ކަޅު ދުވަސްވަރުގައި ވެސް އެ ހިތްވަރާއެކު ރައްޔިތުންގެ އަޑު ނުވަތަ ޑިމޮކްރަސީގެ އަޑު އުފުލުމުގައި އެއްވެސް ކަހަލަ ޖެހިލުމެއް ނެތި މަސައްކަތް ކުރި ޓީވީ ސްޓޭޝަނަކީ ރާއްޖެޓީވީ ކަމަށް ވިދާޅުވިއެވެ.
އދ.ގެ އާއްމު މަޖިލީހުގެ 76 ވަނަ ސެޝަންގެ ރައީސް އަބްދުﷲ ޝާހިދު ރާއްޖެ ވަޑައިގަތުން
އދ.ގެ އާއްމު މަޖިލީހުގެ 76 ވަނަ ސެޝަންގެ ރައީސް އަބްދުﷲ ޝާހިދު ރާއްޖެ ވަޑައިގެންފައިވަނީ 6 އޮކްޓޯބަރ 2021 ގައެވެ. އެމަނިކުފާނު އދ.ގެ ރިޔާސަތާ ހަވާލުވެވަޑައިގެންނެވީ، ސެޕްޓެމްބަރު މަހުގެ 15 ވަނަ ދުވަހުއެވެ.
އުރީދޫ ސާފް ޗެމްޕިއަންޝިޕް - ނޭޕާލާއި ރާއްޖެ ބައްދަލުކުރި މެޗު
ދެކުނު އޭޝިއާ ސަރަހައްދުގެ އެންމެ ބޮޑު ފުޓްބޯޅަ މުބާރާތް ކަމަށްވާ "އުރީދޫ ސާފް ޗެމްޕިއަންޝިޕް 2021" ގައި ކުޅުނު ފުރަތަމަ މެޗުން ނޭޕާލް ވަނީ ރާއްޖެ އަތުން 1-0 ގެ ނަތީޖާއަކުން މޮޅުވެފައެވެ. މިއީ ސާފް ޗެމްޕިއަންޝިޕުގެ ތާރީޚުގައި ނޭޕާލް އަތުން ރާއްޖެ ބަލިވި ފުރަތަމަ ފަހަރެވެ.
އުރީދޫ ސާފް ޗެމްޕިއަންޝިޕް ހުޅުވުމުގެ ރަސްމިއްޔާތު
ދެކުނު އޭޝިއާ ސަރަހައްދުގެ އެންމެ ބޮޑު ފުޓްބޯޅަ މުބާރާތް ކަމަށްވާ "އުރީދޫ ސާފް ޗެމްޕިއަންޝިޕް 2021" ހުޅުވުމުގެ ރަސްމިއްޔާތު ބާއްވާފައިވަނީ ހުކުރު ދުވަހުގެރޭ ގައުމީ ފުޓްބޯޅަ ދަނޑުގައެވެ. މި ފަހަރުގެ ސާފް ޗެމްޕިއަންޝިޕް ރާއްޖޭގައި ބާއްވާއިރު، މިއީ ރާއްޖޭގައި މި މުބާރާތް ބާއްވާ ދެވަނަ ފަހަރެވެ.
ލ. ކަޅައިދޫ - ސުނާމީގެ ހިތި ހަނދާނާ ގުޅިފައިވާ ރަށެއް
ލ. ކަޅައިދޫ އަކީ ސުނާމީ ކާރިސާގައި ގެއްލުން ލިބުނު ރަށްތަކުގެ ތެރެއިން ހިމެނޭ ރަށެކެވެ. މި ރަށަކީ މިހާރު މީހުން ދިރިއުޅޭ ރަށެއް ނޫނެވެ. މި ރަށް މިހާރު ބޭނުން ކުރަނީ ސިފައިންގެ ބޭނުމަށެވެ.
އަސްކަރީ ޢިއްޒަތުގައި ލާންސް ކޯޕްރަލް މުޙައްމަދު ސުލްޠާން ވަޅުލުން
އިންޑިއާގައި އަސްކަރީ ތަމްރީނު ފުރިހަމަ ކުރަމުންދިޔަ ލާންސް ކޯޕްރަލް މުޙައްމަދު ޞުލްޠާން އަސްކަރީ އިއްޒަތުގައި ވަޅުލައިފިއެވެ. ސުލްޠާން ނިޔާވެފައި ވަނީ އިންޑިއާގެ ނޭޝަނަލް ޑިފެންސް އެކެޑެމީގެ، ކޭމްޕް ގްރީން ހޯންގައި ހޮނިހިރު ދުވަހު އޮތް އެންޑިއުރެންސް ރަންއެއް ފުރިހަމަ ކުރަން އުޅުމުގެ ތެރޭގައެވެ. 2018 އޭޕްރީލް 8 ވަނަ ދުވަހު ސިފައިންގެ ޚިދުމަތާ ގުޅުނު ސުލްޠާން ފުރިހަމަކުރަމުން ދިޔައީ 2021 މާރިޗް 1ން 2024 މާރިޗް 15ށް ޕޫނޭ ނޭޝަނަލް ޑިފެންސް އެކެޑެމީގައި ކުރިއަށް ގެންދިޔަ 145 ވަނަ އޮފިސަރ ކެޑޭޓް ކޯހެވެ. މިކޯހަށް ދިއުމުގެ ކުރިން އޭނާ މަސައްކަތް ކުރަމުން ގެންދިޔައީ އިންޓަގްރޭޓެޑް ހެޑްކްއާޓަރޒް (ޖޭ-1)ގައެވެ. އޭނާއަށް ލާންސް ކޯޕްރަލްކަމުގެ ރޭންކް ލިބިފައިވަނީ މި ކޯސް ފުރިހަމަ ކުރަމުންދަނިކޮށެވެ.
ބޯކޮށް ވާރޭވެހި ހިޔާ ފްލެޓްގައި ފެން ބޮޑުވުން
ހުޅުމާލޭ ދެވަނަ ފޭސްގައި އަޅާފައިވާ ހިޔާގައި ހިމެނެނީ 25ބުރީގެ 16 ޓަވަރެވެ. މި މަޝްރޫޢުގައި 6720 އެޕާޓުމަންޓު ހިމެނެއެވެ. ހިޔާ ފްލެޓްތަކަށް މީހުން ބަދަލުވާން ފަށާފައިވާއިރު، އެތަން ހަދަން ޖެހެނީ އަމިއްލައަށެވެ. ފްލެޓްގެ ޖާގަ ކުޑަވުމާ ދައްކަންޖެހޭ ކުލި ބޮޑުވުމުގެ ސަބަބުން އެތައް ޝަކުވާއެއް، ފްލެޓް ލިބުނު ފަރާތްތަކުން ވަނީ ކޮށްފައެވެ. ފްލެޓް އިމާރާތް ކުރުމުގައި ބަލަން ޖެހޭ މިންވަރަށް ނުބެލުމުގެ ސަބަބުން ދިރުއުޅޭ އާއިލާތަކަށް ތަކުލީފުތަކެއް އުފުލަން ޖެހިފައިވާއިރު، ބޯކޮށް ވާރޭ ވެހިއްޖެނަމަ މުޅި ފްލެޓުގައި ފެންބޮޑުވެއެވެ.
އެމްޑީޕީ ގައުމީ މަޖިލީހުގެ އިންތިޚާބު 2021
އެމްޑީޕީގެ ގައުމީ މަޖިލީހުގެ އިންތިޚާބުގެ ވޯޓުލުން 25 ސެޕްޓެމްބަރު 2021 ގައި ކުރިއަށްދާއިރު، ބައެއް ދާއިރާތަކުގައި އޮފިޝަލުން ހަމަ ނުވުމުގެ ސަބަބުން ވޯޓުލުން ފަށާފައިވަނީ ލަހުންނެވެ. މިފަހަރުގެ އިންތިޚާބުގައި 733 ކެންޑިޑޭޓުން ވާދަކުރެއެވެ.
ރައީސް ސޯލިޙް އދ. އަށް - ގައުމުތަކާއި އެކު އޮންނަ ގުޅުމަށް އިތުރު ބާރެއް
އ.ދ.ގެ ޢާންމު މަޖިލީހުގެ 76 ވަނަ ބައްދަލުވުމުގައި ތަޤުރީރު ކުރެއްވުމަށް ރައީސުލްޖުމްހޫރިއްޔާ އިބްރާހިމް މުޙައްމަދު ސޯލިޙް އެމެރިކާގެ ނިއުޔޯކަށް މިހާރު ކުރައްވަމުން ގެންދަވާ ދަތުރުފުޅުގައި އެކި ގައުމުތަކުގެ ވެރިންނާ ބައްދަލުކުރުމަށް ނިންމަވާފައިވާއިރު، 21 ސެޕްޓެމްބަރު 2021 ގައި ވަނީ އ.ދ.ގެ ސެކްރެޓަރީ ޖެނެރަލް އެންޓޯނިއޯ ގުޓާރޭޒްއާ ބައްދަލުކުރައްވާފައެވެ. މި ބައްދަލުކުރެއްވުން ބާއްވާފައިވަނީ އ.ދ. ގެ މައި އިދާރާގައެވެ. މީގެ އިތުރުން ޕޯޗުގަލްގެ ރައީސް، މާސެލޯ ރެބެލޯ ޑިސޯޒާއާ ވެސް ރައީސް ސޯލިޙް ވަނީ ބައްދަލުކުރައްވާފައެވެ. މި ބައްދަލުކުރެއްވުން ވެސް އޮތީ އ.ދ. ގެ މައި އިދާރާގައެވެ.
އ.ދ. ގެ 76 ވަނަ ޢާންމު މަޖިލީހުގެ ރައީސްގެ މަޤާމު - ރަމްޒުކޮށްދެނީ ޚާރިޖީ ސިޔާސަތު ބަލައިގެންފިކަން
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، އ.ދ. ގެ ޢާންމު މަޖިލީހުގެ 76 ވަނަ ބައްދަލުވުމުގެ ޙަވާސާގައި އ.ދ.ގެ ޢާންމު މަޖިލީހުގެ ރައީސް ޢަބްދުﷲ ޝާހިދާ ވަނީ ބައްދަލުކުރައްވާފައެވެ. މި ބައްދަލުކުރެއްވުން ބާއްވާފައި ވަނީ ނިއުޔޯކް ސިޓީގައި ހުންނަ އ.ދ. ގެ މައި މަރުކަޒުގައެވެ.
އ.ދ.ގެ ޢާންމު މަޖިލީހުގައި ބައިވެރިވެވަޑައިގަތުމަށް ރައީސް ސޯލިހު ނިއުޔޯކަށް
އ.ދ. ގެ ޢާންމު މަޖިލީހުގެ 76 ވަނަ ސެޝަނުގައި ބައިވެރިވެވަޑައިގެންނެވުމަށް އެމެރިކާގެ ނިއުޔޯކަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، ފުރައިވަޑައިގެންފައިވަނީ 18 ސެޕްޓެމްބަރު 2021 ގައިއެވެ.
ހޮޓް އެއަރ ބެލޫން ދަތުރު - ބަލާ ފޫހި ނުވި މަންޒަރެއް
މިއީ ހޮޓް އެއަރ ބެލޫން ނުވަތަ ހޫނުވައި ޖަހާ ހަމެވެ. ހޮޓް އެއަރ ބެލޫންގެ ތެރޭގައި ހުޅުގަނޑެއް ރޯކޮށްގެން ހޫނުކުރުމުން އެ ހަން މައްޗަށް އަރައެވެ. މިއީ ތުރުކީގެ ސިޓީއެއް ކަމަށްވާ ކެޕަޑޯކިއާއެވެ. މިއީ ފަރުބަދަމަތީ ސަރަހައްދެކެވެ. އެތަނުގެ ހާއްސަ އެއް ކަމަކީ ހޮޓް އެއަރ ބެލޫން ދަތުރުތަކެވެ.
ހަވީރު 5 ގެ ފަސް މާލޭގެ އެކި ސަރަހައްދުތައް
ކާރޫބާރޫ ބޮޑު މާލޭގެ މަގުމަތީގައި ހަވީރު 5 ގެ ފަހުން މީހުން އެކި ކަންކަމުގައި ހޭލަމޭލަ ވެގެން އުޅޭލެއް އިތުރެވެ. ޚާއްސަކޮށް ހިތްހަމަ ޖައްސާލުމަށް ފިނި ބުރު ޖެހުމަށް ދުއްވާ މީހުންގެ އަދަދު އިތުރުކަން ފާހަގަކޮށްލެވެއެވެ.
ރައީސް ސާލިހު އަލިފުށީ ބޯޓްޔާޑް ބައްލަވާލެއްވުން
ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު ރ. އަތޮޅަށް ކުރެއްވި ދަތުރުފުޅުގައި އެމަނިކުފާނު ވަނީ އަލިފުއްޓަށް ވަޑައިގެން، އެރަށު ބޯޓްޔާޑް ބައްލަވާލައްވާފައެވެ.
ހަވީރުގެ ވަގުތު، ރަސްފަންނު ސަރަހައްދު
ހަވީރުގެ ވަގުތު މާލޭގެ ރަސްފަންނު ސަރަހައްދަކީ، ކުދި ބޮޑު އެންމެން ހިތްހަމަ ޖައްސާލުމަށާއި، މޫދަށް އެރުމަށް ގޮސްއުޅޭ ސަރަހައްދެކެވެ. އެގޮތުން ސްކޫލު ދަރިވަރުން ސްކޫލުގެ ކިޔެވުން ނިންމާލުމަށްފަހު ބެލެނިވެރިންނާއިއެކު ރަސްފަންނަށް ގޮސްހަދައެވެ.
ދޮންފަނު ސްކޫލުން ގައުމީ މާމަ ކާފަ ދުވަސް ފާހަގަ ކުރުން
ގައުމީ މާމަ، ކާފަ ދުވަސް ފާހަގަ ކުރުމުގެ ގޮތުން ބ. ދޮންފަނު ސްކޫލުން ކުރިޔަށް ގެންދިޔަ ހަރަކާތްތަކުގެ ތެރެއިން، މި ހަރަކާތްތަކުގައި ދޮންފަނު ސްކޫލުގެ ދަރިވަރުންނާއި، ބެލެނިވެރިންގެ އިތުރުން ޓީޗަރުން ވަނީ ބައިވެރިވެފައެވެ. މީގެ އިތުރުން ދޮންފަނުގެ ދުވަސްވީ މީހުން ވެސް ބައިވެރިވެފައިވެއެވެ.
އެމްއެންޔޫ ގަމު ކެމްޕަހުން ލައިބްރަރީ ދުވަސް ފާހަގަކުރުން
ދިވެހިރާއްޖޭގެ ގައުމީ ޔުނިވަރސިޓީގެ ލ. ގަމު ކެމްޕަހުން ލައިބްރަރީ ދުވަސް ފާހަގަ ކުރުމުގެ ގޮތުން ގިނަ ހަރަކާތްތަކެއް ވަނީ ކުރިޔަށް ގެންގޮސްފައެވެ. އެގޮތުން މިއަހަރުގެ ލައިބްރަރީ ދުވަސް ފާހަގަ ކޮށްފައިވަނީ ދިވެހިވަންތަ ކޮންސެޕްޓަކަށެވެ.
އިމާދުއްދީން ސްކޫލުގެ އަހަރީ ދުވަސް ފާހަގަ ކުރުން
އިމާދުއްދީން ސްކޫލް އަހަރީ ދުވަސް ފާހަގަ ކުރުމުގެ ގޮތުން ބުރާސްފަތި ދުވަހު ހަވީރު ވަނީ ހުޅުމާލޭ ފޭސް 2 ގައި ގަސް އިންދުމުގެ ޕްރޮގްރާމެއް ކުރިޔަށް ގެންގޮސްފައެވެ. މި ޕްރޮގްރާމްގައި އިމާދުއްދީން ސްކޫލުގެ ދަރިވަރުންނާއި، ޓީޗަރުންގެ އިތުރުން ބެލެނިވެރިންވެސް ވަނީ ބައިވެރިވެފައެވެ.
ދިވެހިރާއްޖޭގެ ގައުމީ ޔުނިވަރސިޓީއަށް 48 އަހަރު ފުރުން ކުލަގަދަ ގޮތެއްގައި ފާހަގަކުރުން
ދިވެހިރާއްޖޭގެ ގައުމީ ޔުނިވަރސިޓީއަށް 48 އަހަރު ފުރުން ކުލަ ގަދަ ގޮތެއްގައި ފާހަގަކޮށްފައިވާއިރު، އަހަރީ ދުވަސް ފާހަގަ ކުރުމުގެ ގޮތުން އެމްއެންޔޫއިން ބޭއްވި ރަސްމިއްޔާތުގައި އެމްއެންޔޫގެ މެނޭޖުމަންޓްގެ އިތުރުން ސްޓާފް ކްލަބާއި، ދަރިވަރުންގެ ޔޫނިއަނުންވެސް ވަނީ ބައިވެރިވެފައެވެ. ގައުމީ ޔުނިވަރސިޓީއަކީ ރާއްޖޭގެ ފުރަތަމަ ޔުނިވަރސިޓީއެވެ. ޔުނިވަރސިޓީގެ ކެމްޕަސްތައް މާލޭގެ އިތުރުން، ކުޅުދުއްފުށި ސިޓީ، އައްޑޫ ސިޓީ، ގދ. ތިނަދޫ އަދި ލ.ގަމުގައި ހުރެއެވެ.