އަސްކަރީ ޢިއްޒަތުގައި ލާންސް ކޯޕްރަލް މުޙައްމަދު ސުލްޠާން ވަޅުލުން

އިންޑިއާގައި އަސްކަރީ ތަމްރީނު ފުރިހަމަ ކުރަމުންދިޔަ ލާންސް ކޯޕްރަލް މުޙައްމަދު ޞުލްޠާން އަސްކަރީ އިއްޒަތުގައި ވަޅުލައިފިއެވެ. ސުލްޠާން ނިޔާވެފައި ވަނީ އިންޑިއާގެ ނޭޝަނަލް ޑިފެންސް އެކެޑެމީގެ، ކޭމްޕް ގްރީން ހޯންގައި ހޮނިހިރު ދުވަހު އޮތް އެންޑިއުރެންސް ރަންއެއް ފުރިހަމަ ކުރަން އުޅުމުގެ ތެރޭގައެވެ. 2018 އޭޕްރީލް 8 ވަނަ ދުވަހު ސިފައިންގެ ޚިދުމަތާ ގުޅުނު ސުލްޠާން ފުރިހަމަކުރަމުން ދިޔައީ 2021 މާރިޗް 1ން 2024 މާރިޗް 15ށް ޕޫނޭ ނޭޝަނަލް ޑިފެންސް އެކެޑެމީގައި ކުރިއަށް ގެންދިޔަ 145 ވަނަ އޮފިސަރ ކެޑޭޓް ކޯހެވެ. މިކޯހަށް ދިއުމުގެ ކުރިން އޭނާ މަސައްކަތް ކުރަމުން ގެންދިޔައީ އިންޓަގްރޭޓެޑް ހެޑްކްއާޓަރޒް (ޖޭ-1)ގައެވެ. އޭނާއަށް ލާންސް ކޯޕްރަލްކަމުގެ ރޭންކް ލިބިފައިވަނީ މި ކޯސް ފުރިހަމަ ކުރަމުންދަނިކޮށެވެ.