ފިޔާ މީރުކޮށްލުމަށް ތަވައިގެ ތެރެއަށް ފިޔާ، ބަޓަރ، ލޮނު އަޅައިގެން މަޑު ގިނީގައި ފިޔާކޮޅު މީރު ކޮށްލާށެވެ. ދެން އޭގެ ތެރެއަށް ޗިލީ ޕައުޑަރ، ކަރީ ޕައުޑަރ އަދި ތެޔޮ އަޅައިގެން ފްރައި ކޮށްލާށެވެ. ދެން އަލުވި ރަނގަޅަށް ޗަސްކުރުމަށްފަހު ޗީޒް އާއި، ކުރިން މީރުކޮށްލި ފިޔާ އަދި އަސޭމިރުސް، އަޅައިގެން އެއްކޮށްލާށެވެ.

އެއަށްފަހު ރޮއްޓެއްގައި ޗިލީ ސޯސް ހާކާލާށެވެ. ދެން ރޮށީގެ އެއްފަރާތުގައި މޮޒެރެއްލާ ޗީޒް އެޅުމަށްފަހު، އޭގެ މައްޗަށް ކުރިން ތައްޔާރުކުރި އަލުވިން ބައެއް އަޅާލާށެވެ. ދެން އަނެއްކާވެސް އޭގެ މައްޗަށް ޗީޒް ލުމަށްފަހު ފޯލްޑް ކޮށްލާށެވެ. އެއަށްފަހު، ތަވާގައި ކުޑަ ތެޔޮފޮދެއް ހޭކުމަށްފަހު މަޑުގިނީގައި ފިހެލާށެވެ.