ޑިޒައިން އެންޑް ބިލްޑް އުސޫލުން 15 ރަށެއްގެ ފެނާއި ނަރުދަމާ ނިޒާމް ގާއިމްކުރުމުގެ މަޝްރޫއު ތަކުގެ ކޮންޓްރެކް އެގްރީމަންޓް ތަކުގައި ސޮއި ކޮށްފިއެވެ.

މި ރަށްތަކުގެ ތެރެއިން 6 ރަށެއްގެ މަސައްކަތް ޑުޕްލެކްސް ޕްރައިވެޓް ލިމިޓެޑާއި ހަވާލުކޮށްފައިވާއިރު 3 ރަށެއްގެ މަސައްކަތް ހަވާލު ކޮށްފައިވަނީ މައިކްރޯން ޕްރައިވެޓް ލިމިޓެޑާއެވެ. އަދި 2 ރަށެއްގެ މަސައްކަތް އަލްޓެކް މޯލްޑިވްސް ޕްރައިވެޓް ލިމިޓެޑްގެ އިތުރުން މާކްޓެކް މޯލްޑިވްސް ޕްރައިވެޓް ލިމިޓެޑާއި، ސާސް އީ ކޮންސްޓްރަކްޝަން ޕްރައިވެޓް ލިމިޓެޑާއި ވަނީ ހަވާލު ކޮށްފައެވެ.

މި މަޝްރޫއުތަކުގައި މިނިސްޓްރީ އޮފް ނެޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއި ކުރެއްވީ ޑިރެކްޓަރ ޖެނެރަލް ފާތިމަތު ޝާނާ ފާރޫގްއެވެ.

- އއ. ބޮޑުފޮޅުދޫ (މަސައްކަތް 780 ދުވަހުގެ ތެރޭގައި ނިންމާ ގޮތަށް)

- ގދ. ރަތަފަންދޫ (މަސައްކަތް 780 ދުވަހުގެ ތެރޭގައި ނިންމާ ގޮތަށް)

- ތ. އޮމަދޫ (މަސައްކަތް 780 ދުވަހުގެ ތެރޭގައި ނިންމާ ގޮތަށް)

- ދ. މާއެނބޫދޫ (މަސައްކަތް 600 ދުވަހުގެ ތެރޭގައި ނިންމާ ގޮތަށް)

- ހއ. އުތީމު (މަސައްކަތް 600 ދުވަހުގެ ތެރޭގައި ނިންމާ ގޮތަށް)

- ހދ. ނައިވާދޫ (މަސައްކަތް 720 ދުވަހުގެ ތެރޭގައި ނިންމާ ގޮތަށް)

- ފ. ފިއަލީ ( މަސައްކަތް 570 ދުވަހުގެ ތެރޭގައި ނިންމާ ގޮތަށް)

- ރ. ރަސްމާދޫ (މަސައްކަތް 570 ދުވަހުގެ ތެރޭގައި ނިންމާ ގޮތަށް)

- ތ. ބުރުނީ (މަސައްކަތް 570 ދުވަހުގެ ތެރޭގައި ނިންމާ ގޮތަށް)

- ދ. ރިނބިދޫ (މަސައްކަތް 600 ދުވަހުގެ ތެރޭގައި ނިންމާ ގޮތަށް)

- ތ. ވޭމަންޑޫ (މަސައްކަތް 600 ދުވަހުގެ ތެރޭގައި ނިންމާ ގޮތަށް)

- ރ. މާކުރަތު (މަސައްކަތް 600 ދުވަހުގެ ތެރޭގައި ނިންމާ ގޮތަށް)

- ގއ. ކޮނޑޭ (މަސައްކަތް 780 ދުވަހުގެ ތެރޭގައި ނިންމާ ގޮތަށް)

- ދ. ހުޅުދެލި (މަސައްކަތް 600 ދުވަހުގެ ތެރޭގައި ނިންމާ ގޮތަށް)

- ލ. ދަނބިދޫ (މަސައްކަތް 600 ދުވަހުގެ ތެރޭގައި ނިންމާ ގޮތަށް)

ދިވެހި ސަރުކާރުގެ ބަޖެޓުން ހަރަދުކުރާ މި 15 ރަށުގެ މަޝްރޫއުތަކުގެ ޖުމްލަ އަގަކީ 407،145،030.01 ރުފިޔާ ކަމަށެވެ.