ލ.ގަމުގައި ނުރައްކާތެރި އެކްސިޑެންޓެއް ހިނގާ ދިވެއްސަކަށް ސީރިއަސް އަނިޔާތަކެއް ލިބިއްޖެއެވެ.
ފުލުހުން ބުނީ ބާރު ސްޕީޑެއްގައި ދުއްވާފައި އައި ސައިކަލެއްް ޕިކަޕެއްގެ ފަހަތުގައި ޖެހި އެކްސިޑެންޓެއް ހިނގާފައިވާ ކަމުގެ މައުލޫމާތު ލިބިފައިވަނީ ބުރާސްފަތި ދުވަހުގެ 21:30 ގައި ކަމަށެވެ.
އަދި މި އެކްސިޑެންޓު ހިނގާފައިވަނީ ލ.ގަން މުކުރިމަގު، ލިންކްރޯޑުގައި ކަމަށްވެސް ފުލުހުން ބުނެއެވެ. ފުލުހުން އިތުރަށް ބުނީ އަނިޔާ ލިބިފައިވަނީ ސައިކަލު ދުއްވަން އިން އުމުރުން 29 އަހަރުގެ ދިވެހި ފިރިހެނަކަށް ކަމަށެވެ. އަދި މި މީހާއަށް ސީރިއަސް އަނިޔާތަކެއް ލިބިފައިވާކަމަށާއި އޭނާއަށް ލ.ގަމުގެ ހޮސްޕިޓަލުން މިހާރު ފަރުވާދެމުން އަންނަ ކަމަށްވެސް ފުލުހުން ބުނެއެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.
