މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) ގެ އެހީތެރިކަމާއެކު ހދ. ކުޅުދުއްފުށިން ހާލުބޮޑު ބަލި މީހަކު މާލެއަށް ގެނެސްދީފިއެވެ.
މިކަން ހާމަކޮށް އެމްއެންޑީއެފް އިން ހޯމަދުވަހުގެ ދަންވަރު ކޮށްފައިވާ ޓްވީޓެއްގައި ބުނީ ކުޅުދުއްފުށިން މާލެއަށް ގެނެވުނީ އުމުރުން 78 އަހަރުގެ ދިވެހި ފިރިހެނެއް ކަމަށެވެ. އެ މީހާ މާލެއަށް ގެނެވުނީ ހޯމަ ދުވަހުގެ ރޭ ދަންވަރު 3:10 ހާއިރު ކަމަށެވެ.
ބަލިމީހާ މާލެ ގެނެސްފައި ވަނީ އެމްއެންޑީއެފް ނޮދަން ކޮމާންޑުގެ އެހީތެރިކަމާ އެކު ޑޯނިއާ ފްލައިޓެއްގައެވެ. މިއީ މި ފްލައިޓުން ބަލި މީހަކު މާލެއަށް ގެނެސްދީފައިވާ ފުރަތަމަ ފަހަރެވެ.
