ރާއްޖޭގެ ބޮޑު ބަޔަކަށް މޫސުން ގޯސްވުމުގެ ސަބަބުން ވައިޓް އެލާރޓް ނެރެފިއެވެ.
އަންގާރަ ދުވަހުގެ ރޭ މޫސުމާއި ބެހޭ ގައުމީ އިދާރާއިން ވައިޓް އެލާރޓް ނެރެފައިވަނީ ހއ. އަތޮޅުން ފެށިގެން ތ އަތޮޅާއި ދެމެދުގެ ރަށްތަކަށެވެ.
އެ އިދާރާއިން ވައިޓް އެލާރޓް ނެރެފައިވަނީ އަންގާރަ ދުވަހުގެ ރޭ 8:00ން ދަންވަރު 1:00 އަށެވެ.
އެ އަތޮޅުތަކަށް ގަޑިއަކު 19 މޭލާއި 24 މޭލާއި ދެމެދުގެ ބާރުމިނުގައި އަދި ވިލާގަނޑުގައި 45 މޭލަށް ވައިގަދަ ވާނެ ކަމަށް ލަފާކުރެވޭ ކަމަށާއި ކަނޑުތައް ވެސް ގަދަވާނެ ކަމަށް މޫސުމާއި ބެހޭ ގައުމީ އިދާ ރާއިން މައުލޫމާތު ދެއެވެ.
އެހެންކަމުން ކަނޑު ދަތު ރުކުރާ ފަރާތްތަކުން މޫސުމަށް ސަމާލުވުމަށް އެ އިދާރާއިން ވަނީ އިލްތިމާސް ކޮށްފައެވެ.
