ޗައިނާގައި އާދިއްތަ ދުވަހު ކޮވިޑް-19 އަށް ޕޮޒިޓިވް ވެފައިވަނީ 11 މީހުން ކަމަށް އެގައުމުގެ ނޭޝަނަލް ހެލްތު ކޮމިޝަނުން ބުނެފި އެވެ.

އޭގެ ކުރީދުވަހު އެގައުމުގައި ވައިރަސް ޖެހިފައިވަނީ 3 މީހުންނަށެވެ. ހެލްތު ކޮމިޝަނުން ބުނެފައިވަނީ އަލަށް ޕޮޒިޓިވްވެގެން ރިޕޯޓްކޮށްފައިވާ މީހުންނަކީ އެގައުމަށް އެތެރެވި މީހުން ކަމަށެވެ. މީގެތެރެއިން 10 މީހުން ފެނިފައިވަނީ މޮންގޯލިއާ އޭރިއާއިންނެވެ. ދެން ހުރި މީހާ ފެނިފައިވަނީ ސިޗުއާން އިންނެވެ.

މީގެއިތުރުން އަލާމާތްތައް ނުފެނި 40 މީހަކު އާދިއްތަ ދުވަހު ވަނީ ޕޮޒިޓިވްވެފަ އެވެ. އޭގެކުރީ ދުވަހު އަލާމާތްތައް ނުފެނި 36 މީހަކު ވަނީ ވައިރަސް އަށް ޕޮޒިޓިވްވެފަ އެވެ.

މިހާރު ޗައިނާގައި ވައިރަސް އަށް ޕޮޒިޓިވްވެފައިވާ މީހުންގެ އަދަދު 82،985 ށް އަރައެވެ. މަރުވެފައިވާ މީހުންގެ އަދަދަކީ 4634 އެކެވެ.