މިސްކިތެއްގެ ތެރޭގައި މީހަކު މަރުވެފައި އޮއްވާ ފެނިއްޖެއެވެ.

ފުލުހުންގެ އިދާރާ އިން ބުނީ އަންގާރަ ދުވަހުގެ 11:12 ހާއިރު ލޮނުޒިޔާރަތް މަގުގައި ހުންނަ ޝަހީދު އަލީ މިސްކިތުގެ ތެރެއަށް އުމުރުން 83 އަހަރުގެ ދިވެހި ފިރިހެނެއް ވެއްޓިފައި އޮއްވާ ފުލުހުން އޭނާ ނަގައިގެން އައިޖީއެމްއެޗްއަށް ގެންދިޔަ ކަމަށެވެ. އަދި ހޮސްޕިޓަލުން މައުލޫމާތު ދިން ގޮތުގައި އޭނާ ގެންދިޔައިރު ވެސް މަރުވެފައިވާ ކަމަށް ފުލުހުން ބުނެއެވެ.

މި ކަމުގައި ފުލުހުން ބަލަންޖެހޭ ކަންތައްތައް ބަލަމުންދާ ކަމަށް ފުލުހުން ބުނެއެވެ.