މޯލްޑިވްސް ކަރެކްޝަނަލް ސަރވިސް (އެމްސީއެސް) އާއި ހަވާލު ނުކުރުމުގެ ސަބަބުން އެކަމާއި ހިތްހަމަނުޖެހި، ގައިދީއަކު ބަނޑުހައި ހޫނުކަމުހެ ހަޅުތާލުކުރަން ފަށައިފި އެވެ.

ފުލުހުންގެ މީޑިއާ އޮފިޝަލް ވިދާޅުވީ ކަރެކްޝަންސްއާއި ހަވާލު ކުރަންޖެހޭ 58 ގައިދީން މިވަގުތު ދޫނިދޫ ޖަލުގައި އެބަތިބި ކަމަށެވެ. އޭގެތެރެއިން 50 މީހުންނަކީ ހުކުމް ތަންފީޒުކުރުމަށް ހަވާލުކުރަންޖެހޭ މީހުންކަމަށް ވެސް ފުލުހުން ބުންޏެވެ. އަދި 8 މީހުންނަކީ ރީމާންޑަށް ހަވާލު ކުރަންޖެހޭ މީހުން ކަމަށް ފުލުހުން ބުނެ އެވެ.

ފުލުހުން ބުނީ އޭގެތެރެއިން 8 ގައިދީއަކު ކެއުމަށް އިންކާރު ކުރި ކަމަށެވެ. ނަމަވެސް އޭގެތެރެއިން 7 ގައިދީއަކު ހޯމަ ދުވަހުގެ ހެނދުނުން ފެށިގެން ކާންފަށާފައިވާ ކަމަށެވެ. އަދި އެމީހުން ކެއުމަށް އިންކާރުކޮށްފައިވަނީ 2 ނަމްބަރު ޖަލުގައި ތިއްބާ ކަމަށް ފުލުހުން މައުލޫމާތުދެއެވެ.

ފުލުހުން ބުނީ ކަރެކްޝަންސްގެ ޖަލުތަކުގައި ޖާގަނެތުމުގެ ސަބަބުން ގައިދީންނާއި ހަވާލުވުމަށް އުޒުރުވެރިވެފައިވާކަމަށެވެ. އަދި އެމީހުން ދޫނިދޫ ޖަލުގައި ތިބީ އެ ސަބަބަށްޓަކައި ކަމަށް ފުލުހުން ބުނެއެވެ. ފުލުހުން ބުނީ ދޫނިދޫ ޖަލުގައި ގައިދީން ތިބިނަމަވެސް، ދޫނިދޫގައި އެކަހެރި ޖަލެއް ނުހުންނަ ކަމަށެވެ.