އަލިފާނުގެ އަސަރު ކޮށްފައިވާ ގެތަކުގެ މީހުންނަށް ވަގުތީ ހިޔަލެއްގެ ގޮތުގައި ކަލާފާނު ސްކޫލް ހަމަޖައްސައިފިއެވެ.
ނެޝަނަލް ޑިޒާސްޓާ މެނޭޖްމެންޓް އެޖެންސީ އިން ކޮށްފައިވާ ޓްވީޓެއްގައި ބުނެފައިވަނީ އަލިފާނުގެ އަސަރު ކޮށްފައިވާ ގެތަކުގައި ދިރިއުޅޭ އާއިލާތަކުން ކަލާފާނު ސްކޫލަށް ދިއުމަށް އިރުޝާދު ކޮށްފައިވާކަމަށެވެ.
އަލިފާންގަނޑު ރޯވެފައިވަނީ ރޭނގަޑު 7:40 ހާ އިރުއެވެ. އެމްއެންޑީއެފް އިން ދަނީ އަލިފާން ގަނޑު ކޮންޓްރޯލް ކުރުމުގައި ހަރަކާތްތެރިވަމުންނެވެ.
ދުމުގެ އަސަރުކޮށްގެން ގިނަ އަދަދެއްގެ މީހުން ވަނީ އޭޑީކޭ ހޮސްޕިޓަލަށް ގެންގޮސްފައެވެ.
