ޕީޕަލްސް ނެޝަނަލް ކޮންގްރެސް ޕާޓީ ( ކޮންގްރެސް ޕާޓީ) ގެ ކުރީގެ ނައިބު ރައީސް އަހުމަދު ނިހާން އިސްތިއުފާ ދެއްވުމާއި ގުޅިގެން ހުސްވެފައިވާ މަގާމަށް މުހައްމަދު ނިމާލް އިންތިހާބު ކޮށްފިއެވެ.
އެ ޕާޓީގެ ތަރުޖަމާނު ވިދާޅުވެފައިވާ ގޮތުގައި މުހައްމަދު ނިމާލް މި މަގާމަށް ހޮވިވަޑައިގަތީ އެޕާޓީގެ ކައުންސިލްމެމްބަރުންގެ މެދުގައި ނެގި ސިއްރު ވޯތުގެ އަގުލަބިއްޔަތުން ކަމަށެވެ. އަދި ނިމާލްއަށް މަރުހަބާ ދަންނަވާފައިވެއެވެ.
މުހައްމަދު ނިމާލްއަކީ ކުރިން ފެނަކައިގެ މެނޭޖިންގ ޑިރެކްޓަރުގެ މަގާމުގައި ހުންނެވި ބޭފުޅެކެވެ.
ކޮންގްރެސް ޕާޓީގެ ކުރީގެ ނައިބު ރައީސް ނިހާން ވަނީ ފަހުގެ ތާރީހެއްގައި އެޕާޓީން ވަކިވެ ޖުމްހޫރީ ޕާޓީ (ޖޭޕީ) އާއި ގުޅިވަޑައިގެންފައެވެ.
