މިއަހަރުގެ ހިތާނީ މޫސުމުގައި ހިތާނު ކުރުމަށް ނަންނޯޓުކުރުމުގެ ފުރުސަތު 15 ސެޕްޓެމްބަރު 2019 ގައި ހުޅުވާލާނެ ކަމަށް އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އިން ބުނެފިއެވެ.
ފަނަރަ ދުވަހުގެ މުއްދަތަށް ނަންނޯޓު ކުރުމުގެ ފުރުސަތު ހުޅުވާލާއިރު، ނަންނޯޓު ކުރުމުގެ ސުންގަޑިއަކީ 30 ސެޕްޓެމްބަރު 2019ކެވެ. ހިތާނުކުރުމަށް ބޭނުންވާ ފަރާތްތަކުން އިތުރު މައުލޫމާތު ބޭނުންވާނަމަ ދަރުމަވަންތަ ހޮސްޕިޓަލްގެ ސަރޖަރީ ކައުންޓަރުން މައުލޫމާތު ލިބޭނެ ކަމަށް އައިޖީއެމްއެޗް އިން ބުންޏެވެ.
ސަރޖަރީ ކައުންޓަރުގެ ނަމްބަރު 3335300 އަށް ކޮންމެ ދުވަހެއްގެ 08:00 އިން ހަވީރު 04:00 އަށް ގުޅާ މައުލޫމާތު އޮޅުން ފިލުވޭނެއެވެ.
މިއަހަރުގެ ހިތާނުކުރުން ހަމަޖެހިފައި އޮތީ 21 ނޮވެމްބަރުން ފެށިގެން 31 ޑިސެމްބަރަށެވެ. އާދިއްތަ، ބުދަ އަދި ބަނދުނޫން ކޮންމެ ދުވަހަކު ނަންނޯޓު ކޮށްފައިވާ ތަރުތީބުން ދުވާލަކަށް 15 ޖާގަ ދޫކުރެވޭނެ ކަމަށް އައިޖީއެމްއެޗް އިން ބުންޏެވެ.
