މާލޭ ސިޓީ މަގުމަތީގައި ވެމްކޯގެ މުވައްޒަފަކަށް އަނިޔާކުރާ ވީޑިއޯއެއް އާންމުވެއްޖެއެވެ.
ޓްވިޓާގައި މީހަކު އާންމުކޮށްފައިވާ ޓްވީޓެއްގައިވާ ވީޑިއޯއަކުން ފެންނަ ގޮތުގައި އާންމު ރައްޔިތަކު، ޕީވީސީ ހޮޅިއަކުން ވެމްކޯގެ މުވައްޒިފެއްގެ ގައިގައި ތަޅާ އަނިޔާކުރެއެވެ.
އަނިޔާ ރައްދުވާ ފަރާތަކީ މެދު އުމުރުގެ ފިރިހެން މުވައްޒިފެކެވެ. އަދި އޭނާ ދިފާއުވުމުގެ ގޮތުން، ހަމަލާދޭ ޒުވާން ފިރިހެނާއާ ދިމާލަށް ދާ މަންޒަރު ފެނެއެވެ. ނަމަވެސް އަނެއްކާވެސް ވެމްކޯގެ މީހާގެ ބޮލުގަޔާއި ގައިގައި ތަޅާ އަނިޔާކުރާ މަންޒަރު ވެސް ވީޑިއޯއިން ފެނެއެވެ.
މި ވީޑިއޯގައި ހަމަލާދޭ މީހާގެ އެއްވެސް މައުލޫމާތެއް ލިބިއްޖެނަމަ ފުލުހުންނަށް ރިޕޯޓުކުރުމަށް ޓްވީޓް ކުރި ފަރާތުން އެދިފައިވެއެވެ.
ވެމްކޯގެ މުވައްޒަފުންނަށް ފުރައްސާރަކުރުމަކީ ރާއްޖޭގައި ވަރަށް އާންމުވެފައިވާ ކަމެއްކަން ފާހަގަކޮށްލެވެއެވެ.
