ރާއްޖެއަށް މިހާރު ކުރަމުންދާ ވިއްސާރައާ ގުޅިގެން މާލެއަށް ބޯކޮށް ވާރޭ ވެހި ބޮޑު ސަރަހައްދަކުން ކަރަންޓު ކެނޑިއްޖެއެވެ.
މާލޭގެ ބޮޑު ސަރަހައްދަކުން ކަރަންޓު ކެނޑުނީ ބުދަ ދުވަހުގެ ރޭ މެންދަމު 3:00 ހާއިރު އެވެ. އަދި ކަރަންޓު ލިބުނީ ފަތިހު ފަހެއް ޖަހަން ވަނިކޮށްށެވެ.
ސްޓެލްކޯ އިން ބުނީ، މާލޭގެ ބައެއް ހިސާބުތަކުގައި ކަރަންޓް ނެތް ކަމަށާއި އެ މައްސަލަ ވީހާވެސް އަވަހަކަށް ހައްލު ކުރުމަށް މަސައްކަތް ކުރަމުންދާ ކަމަށެވެ. ނަމަވެސް ކަރަންޓް ކެނޑުނީ ކީއްވެގެން ކަމެއް ހާމައެއް ނުކުރެއެވެ.
ހުއްޓުމެއްނެތި މާލެއަށް ބޯކޮށް ވާރޭވެހި ވެފައިވާއިރު، މަގުތަކުން ފެން ހިންދުމުގެ މަސައްކަތް އެމްއެންޑީއެފުން އަންނަނީ ކުރަމުންނެވެ. އެގޮތުން ބައެއް މަގުތަކުގައި ޕަންޕް ބަހައްޓައިގެން މޫދަށް ފެން ބޭރުކުރުމުގެ މަސައްކަތް ވަނީ ކޮށްފައެވެ.
