މާލެއަށް މޫސުން ގޯސްވެފައިވަނިކޮށް ގެއެއްގެ ބެލްކަނީގެ ބައެއް މަގު މައްޗަށް ވެއްޓިއްޖެ އެވެ.
މައުލޫމާތު ލިބިފައިވާ ގޮތުގައި ބުދަ ދުވަހުގެ ރޭ މާލެ އަށް ބޯކޮށް ވާރޭ ވެހެމުން ދަނިކޮށް ވެއްޓިފައިވަނީ ފަރީދީ މަގު ޑީ ބްލޫ މެރިން ފިހާރަ ހުންނަ އިމާރާތުގެ ބެލްކަންޏެއްގެ ބައެކެވެ. ފޮޓޯތަކުން ފެންނަ ގޮތުގައި ބެލްކަނީގެ ބައެއް ވެއްޓިފައިވަނީ ޑީ ބްލޫ މެރިން ފިހާރަ ކުރިމަތީ ޕޭމަންޓް މައްޗަށެވެ.
މަންޒަރު ދުށް މީހަކު ބުނީ މިހާދިސާގައި މީހަކަށް ގެއްލުން ނުލިބުނު ނަމަވެސް އެސަރަހައްދުގައި ޕާކްކޮށްފައި ހުރި ބައެއް ވެހިކަލްތަކަށް ގެއްލުން ވެފައިވާ ކަމަށެވެ.
މިހާދިސާ ހިނގަން މެދުވެރި ސަބަބު އަދިވަނީ ސާފުވާގޮތް ނުވެފައެވެ. މިހާދިސާއާ ގުޅިގެން ފުލުހުންގެ ބަހެއް ވަނީ ލިބޭ ގޮތް ނުވެފައެވެ.
ގެއެއްގެ ބެލްކަނީގެ ބައެއް މަގުމައްޗަށް ވެއްޓިފައިވާއިރު މާލެއަށް ވަރަށް ބޯކޮށް ވާރޭވެހި ވަނީ ފެންބޮޑުވެފައެވެ. އަދި މާލޭގެ ބޮޑު ބަޔަކުން ކަރަންޓު ވެސް ކެނޑިގެންދިޔައެވެ.
