ހައުސިން ޑިވެލޮޕްމެންޓް ކޯޕްރޭޝަން (އެޗްޑީސީ) އިން ދޭ ޚިދުމަތާއެކު މައި ހުޅުމާލެ ޕޯޓަލް އިފްތިތާހް ކޮށްފިއެވެ.
އެޗްޑީސީން ބުނީ ހުޅުމާލޭގަ ދިރިއުޅޭ ފަރާތްތަކަށް ލުއިފަސޭހަ ގޮތްތަކެއް ގާއިމްކޮށްދިނުމަށް އަބަދުވެސް މަސައްކަތް ކުރަމުން އަންނަ ކަމަށެވެ. އެގޮތުން މައި ހުޅުމާލެ ޕޯޓަލްއާއެކު ރައްޔިތުންނަށް އެތައް ލުއި ފަސޭހަތައް ލިބޭނެ ކަމަށާއި، ހުޅުމާލޭގައި އިމާރާތްކުރުމާއި ގުޅޭގޮތުން ނަގަންޖެހޭ އެކިއެކި ހުއްދަތައް އޮންލައިންކޮށް ލިބޭނެ އިންތިޒާމު ހަމަޖެހިފައިވާ ކަމަށެވެ.
އެޗްޑީސީން ބުނީ ޕޯޓަލް މެދުވެރިކޮށް ފޯމް ހުށަހެޅުމުގެ ފުރުސަތު ހުޅުވާލެވިފައިވާ ކަމަށެވެ.
މިޕޯޓަލް މެދުވެރިކޮށް އެޗްޑީސީ އިން ފޯރުކޮށްދޭ މުނިސިޕަލް ހިދުމަތްތަކަށް ހުށަހެޅޭއިރު، ރައްޔިތުން ހުށަހަޅަން ބޭނުންވާ ޝަކުވާތަކާއި ކަންބޮޑުވުންތައް މިޕޯޓަލް މެދުވެރިކޮށް ހުށަހެޅޭނެއެވެ. އަދި މިޕޯޓަލްގައި ހުޅުމާލޭގެ ޗާޓު ވެސް ވަނީ ހިމަނާފައެވެ.
