ކުރީގެ ނައިބް ރައީސް އަހުމަދު އަދީބް ދިރުއުޅުއްވާ، އެޕާޓްމަންޓް (ގ. ހުމަށި) ފުލުހުން ބަލާ ފާސްކޮށްފި އެވެ.
ރާއްޖެ.އެމްވީއަށް އެނގިފައިވާގޮތުގައި އަދީބް ދިރިއުޅުއްވާ އެޕާޓްމެންޓް ބަލާ ފާސްކޮށްފައިވަނީ 7 ގަޑިއިރުގެ ކޯޓު އަމުރެއްގެ ދަށުންނެވެ. ފުލުހުން އެ އެޕާޓްމަންޓް ވަދެފައިވަނީ ހޮނިހިރު ދުވަހުގެރޭ 10:30 ހާއިރުއެވެ. އަށް ވަރަކަށް ފުލުހަން، އަދީބް ދިރިއުޅުއްވާ އެޕާޓްމަންޓް ބަލާފާސްކުރުމަށް ފަހު ގޮސްފައިވަނީ 1:30 ހާއިރު އެވެ.
ފުލުހުން އަދީބް ދިރިއުޅުއްވާ އެޕާޓްމެންޓް ބަލައި ފާސްކުރަމުން ދިޔައިރު އެގޭގައި އަދީބްގެ އަނބިކަނބަލުން މަރިޔަމް ނަޝްވާ އާއި ޤާނޫނީ ވަކީލް ޝިޔާމް ވެސް ހަރަކާތްތެރިވަމުން ދިޔަ އެވެ.
ފުލުހުން އަދީބް ދިރިއުޅުއްވާ އެޕާޓްމެންޓް ބަލައި ފާސްކޮށްފައިވާއިރު، ޓަގުބޯޓެއްގައި އެމަނިކުފާނު ފިއްލަވައިގެން ވަޑައިގެންނެވި މައްސަލަ ފުލުހުން އަންނަނީ ތަހުޤީޤްކުރަމުންނެވެ. އެ މައްސަލަ ތަހުޤީޤްކުރަމުންދާއިރު، އަދީބް މާލެ ގެނެވޭނެކަމަށް ބެލެވެނީ އާދިއްތަ ދުވަހުގެ ހެނދުނުގެ ވަގުތެއްގަ އެވެ.
